VOV4.Bahnar  – Ƀơ̆t tơbăt 80 xơnăm Năr tơ iung pơjing Đô̆i Tiê̆u niên Tiền phong Hồ Chí Minh (15/5/1941-15/5/2021) păng 'Năr hơ ioh apŭng plenh teh 1/6, Kơdră teh đak bơ̆n Nguyễn Xuân Phúc hlôi pơtruh kơthơ thơ thâu pơtruh ăn dôm anih jang Đô̆i, đe hơ ioh iĕ, đe kang ƀô̆ pơgơ̆r đe hơ ioh đon bơnôh kăp gĭt păng nơ̆r thơ thâu 'lơ̆ng hơ iă hloh. Lơ̆m kơthơ, ƀok Kơdră teh đak ră hơdăh: Chĕp vei tơdrong juăt jue nuih mơng, hrei âu dôm hnưr hơ ioh, kiơ̆ nơ̆r Ƀok Hô pơtho, hơnơ̆ng băt 'mêm, tơguăt tơguăl, pơm jang hŏk pơhrăm pơ 'nam, xơnăm iĕ jang tơdrong iĕ mă lei ƀenh kơ tơdrong hơpơi yuơ khei năr jơnap anô̆ anăp kơnh kơ teh đak. Tang măt ăn Khul kơpal Đàng, teh đak, Kơdră teh đak bơ̆n pôk bơnê kơ dôm tơdrong đei jơnei đơ̆ng đe hơ ioh, đơ̆ng bơngai pơgơ̆r tơdrong jang Đô̆i; atŭm hăm noh pơkăl Khul Đoan hơdruh tơdăm Cộng sản Hồ Chí Minh pơtoi tơplih 'nao tơdrong jang, pơjing Đô̆i pran kơtang, jang tơnăp tơdrong vei lăng, pơtho pơhrăm hơ ioh; dôm jăl kơpal, jơnŭm pơgơ̆r tơring, anih jang 'mêm bơnat vei xơđơ̆ng jang tơnăp xơnong pơyua păng pơm jang hăm đe hơ ioh, tơgŭm ăn đe mon hơtŏk tơ iung tôm tơdrong.

Lan chih păng pơre nơ̆r