VOV4.Bahnar  – Kơsơ̆ năr 14/7, tơ̆ Anih jang ƀok Kơdră, Kơdră teh đak bơ̆n Nguyễn Xuân Phúc hlôi pơma điê̆n thoăi hăm Kơdră teh đak Rumani Klaus Werner Iohannis. Tơ̆ 'măng pơma đam, ƀar ƀok kơdră hlôi pơma dơnuh găh lơ trong jang hơdăh vă hơtŏk pơih xă păng jang tơnăp hloh tơdrong tơbôl kơ 2 teh đak, drơ̆ng nơ̆r pơtoi păng hơtŏk dôm trong jang kơ 2 păh, atŭm hăm noh hơtŏk pran minh ƀar tơdrong jang tơm nhen mŭk drăm – tĕch pơdro, pơtho pơhrăm, axong jang hadoi.

          Ƀok Kơdră teh đak Rumani tơroi, kiơ̆ pơkăp jang tơbôl 'lơ̆ng rŏ kơ 2 teh đak, Khul kơpal teh đak Rumani hlôi tơchơ̆t axong ăn Việt Nam 100 rơbâu kơliu vaccine Astra Zeneca duh nhen gô hơlen kăp gĭt găh tơdrong axong kơsô̆ vaccine ăn Việt Nam lơ̆m khei năr truh. Kơdră teh đak bơ̆n Nguyễn Xuân Phúc bơnê kơ đon bơnôh gĭt 'mêm păng tơgŭm tơtom mă ƀok Kơdră păng kon pơlei Rumani 'măn ăn Việt Nam lơ̆m khei năr oei ƀơm lơ tơnap tap, xơkơ̆t kơsô̆ vaccine âu gô tơgop kăp gĭt lơ̆m tơdrong jang tang găn păng tơjră pơrang jĭ COVID-19 đơ̆ng Việt Nam.

Lan chih păng pơre nơ̆r