VOV4.Bahnar – Pơgê năr 14/5, tơ̆ apŭng Củ Chi, plei tơm Hô Chĭ Minh, Kơdră teh đak Nguyễn Xuân Phúc păng dôm bơngai lĕch măt tơgar jang tang măt ăn Kuôk hô̆i jăl 15 akŏm pơma dơnuh hăm kon pơlei kiơ̆ pơkăp trư̆k tuyê̆n.

          Pơma ăh jơ akŏm, Kơdră teh đak bơ̆n Nguyễn Xuân Phúc ră hơdăh: Mưh đei jang tang măt ăn Kuôk hô̆i adrol hloh noh athei tơmơ̆ng tơdrong hơpơi 'moih đơ̆ng kon pơlei, tơroi tơtom ăn Kuôk hô̆i, Đảng, Teh đak, rim anih jang kơpal xek tơlang dôm tơdrong pơtruh kăp gĭt đơ̆ng kon pơlei tơ̆ tơring mă po lĕch măt tơgar. Kơdră teh đak ăn tơbăt, gô adrin tơgop hơtŏk pơ 'lơ̆ng tơdrong jang kơ khul jang tang măt ăn Kuôk hô̆i plei tơm Hô Chĭ Minh, khul jang pran hloh kơ jâ̆p teh đak. Kơdră teh đak bơ̆n Nguyễn Xuân Phúc tơrĕk truh tơlĕch jang 4 tơdrong hơtŏk tơ iung kơ plei tơm Hô Chĭ Minh hlôi tơlĕch, lơ̆m noh đei tơdrong hơtŏk pơ 'lơ̆ng dôm tơring ƀơm đak lâ̆p, 'mi kial pơrăm păng hơtŏk tơdrong tơgar jang đơ̆ng plei tơm, vei xơđơ̆ng cham char erih xa. Tôm bơngai tang măt ăn Kuôk hô̆i tơ̆ plei tơm pơma atŭm kăl đei xơnong pơjing plei tơm Hô Chĭ Minh gơh rơgei – đon tơguăt tơguăl 'mêm kơ eng dih băl, pơjing um ai joh ayŏ kon pơlei.

Lan chih păng pơre nơ̆r