VOV4.Bahnar – Kơmăng năr 17/11, Kơdră teh đak Nguyễn Xuân Phúc năm akŏm hơ iă hăm kon pơlei phương Điện Biên, tơring Ba Đình, plei tơm Hà Nội lơ̆m 'Năr Tơguăt tơguăl kon pơlei.

Kơdră teh đak Nguyễn Xuân Phúc bơnê kơ Đảng ƀô̆, Jơnŭm pơgơ̆r tơring păng kon pơlei phương đei lơ tơdrong kơ 'nôh, yak hloh tơnap tap đơ̆ng pơrang jĭ. Kơdră teh đak chơt hơ iă ăh ƀôh tơdrong erih kon pơlei phương Điện Biên roi năr roi đei hơtŏk, pă đei oei unh hnam hin dơnuh... Kơdră teh đak duh pơkăl kon pơlei phương păng plei tơm Hà Nội hơtŏk hlôh vao, kơchăng tang găn păng tơjră pơrang jĭ; pơtoi chĕp vei đon bơnôh tơgŭm dih băl, atŭm găn hloh tơnap tap kơyuơ pơrang jĭ pơm đei dang ei. Adrol kơ noh, ăh kơsơ̆ năr 17/11, tơ̆ Anih jang Khul Kơpal teh đak, Kơdră teh đak Nguyễn Xuân Phúc hlôi tơjrâ̆m Khul tang măt ăn bơngai đei kon pơlei lui yom, kơdră thôn gơh rơgei, tang măt ăn đe kơdră thôn păng 1.300 'nu bơngai đei kon pơlei lui yom kơ dêh char Bắc Kạn, vih apong anih tơm Hà Nội.

Lan chih păng pơre nơ̆r