VOV4.Bahnar – Kơsơ̆ năr 18/8, tơ̆ Hà Nội, Anih jang Đảng Kŏng ang Trung ương, Anih tơm Kŏng ang pơgơ̆r tơjrâ̆m tơbăt 76 xơnăm Năr juăt jue Khul Kŏng ang kon pơlei (19/8) păng pôk hơnăn pơkăp 40 xơnăm, 30 xơnăm jang Đảng ăn dôm ƀok kơdră Anih tơm Kŏng ang.

           Truh akŏm păng pơma dơnuh ăh jơ lêh, Kơdră teh đak Nguyễn Xuân Phúc bơnê kơ khul Kŏng ang kon pơlei lơ̆m dôm xơnăm kơ âu hlôi tơjră kơnê̆ đei jơnei, pơm tơpăi tơdrong pơhlŭ pơhlôm vă phă tơpăi Đảng, Teh đak đơ̆ng khul kơnê̆, vei xơđơ̆ng tơpôl teh đak. Atŭm hăm noh, khul Kŏng ang kon pơlei hlôi hơtŏk tơdrong tang găn păng tơjră tơdrong glăi kơnê̆, Kơdră teh đak Nguyễn Xuân Phúc pơkăp Đảng ƀô̆ Kŏng ang Trung ương, Anih tơm Kŏng ang pơtoi tơguăt tơguăl, drơ̆ng minh, khŏm mă jang đei jơnei dôm trong pơkăp đơ̆ng Đảng, khôi luơ̆t teh đak găh xơnong vei xơđơ̆ng tơpôl teh đak, xơđơ̆ng tơpôl lơ̆m tơring erih xa.

Lan chih păng pơre nơ̆r