VOV4.Bahnar  – Xơng iŏk nơ̆r hơvơn đơ̆ng Thủ tướng New Zealand, Kơdră teh đak Nguyễn Xuân Phúc gô năm Hop akŏm kơpal APEC 'măng mă 28 đơ̆ng năr  11 truh năr 12-11 kiơ̆ pơkăp trư̆k tuyê̆n.

          Lơ̆m Giĕng lêh APEC mă âu, Kơdră teh đak bơ̆n Nguyễn Xuân Phúc gô năm akŏm păng pơma dơnuh tơ̆ Hop akŏm kơpal anih jang mŭk drăm APEC hăm tơdrong vang akŏm đơ̆ng pơhlom 4500 'nu tang măt noh kơdră kơ dôm anih jang mŭk drăm pran kơ tơring châu Á-Thái Bình Dương; pơtoi kơ noh Hop akŏm dôm ƀok kơdră jang mŭk drăm châu Á-Thái Bình Dương 'măng mă 28 đei hơnăn “Jang atŭm lơ̆m APEC vă hơtŏk pran hơmet mŭk drăm đơ̆ng rŏng kơ COVID-19; Dôm trong hiôk păng tơnap tap dơnơm lơ̆m kơpal teh đơ̆ng rŏng kơ COVID păng pơm thoi yơ vă vei xơđơ̆ng dôm tơdrong jang đei jơnei vang glơng hơtŏ hăm tôm kon pơlei khei năr âu păng anô̆ anăp kơnh”, akŏm pơma đam 2 tơdrong noh hơtŏk mŭk drăm kơpal teh păng jang hadoi hơmet đơ̆ng rŏng kơ pơrang jĭ. Hop akŏm gô vă hơlen 2 tơdrong pơkăp noh Tơchơ̆t Hop akŏm dôm ƀok Kơdră jang mŭk drăm châu Á-Thái Bình Dương 'măng mă 28 păng pơkăp jang kơ  APEC truh xơnăm 2040.

Lan chih păng pơre nơ̆r