VOV4.Bahnar  – Tơ̆ anih jang Kuôk hô̆i Cuba, Kơdră teh đak bơ̆n Nguyễn Xuân Phúc hlôi pơma đam hăm Kơdră Kuôk hô̆i Cuba Esteban Lazo Hernández.

          Kơdră teh đak Nguyễn Xuân Phúc xơkơ̆t Kuôk hô̆i duh nhen rim anih jang tơm kơ teh đak Việt Nam kơchăng jang hadoi hăm Kuôk hô̆i Cuba, pơma đam găh dôm tơdrong mă 2 Kuôk hô̆i atŭm tơrĕk truh, jang atŭm kơjăp hloh dơ̆ng lơ̆m khul Kơpal Kuôk hô̆i, tơroi dih băl găh tơdrong hlôh vao, pơm jang kơ xơnong jang đơ̆ng Kuôk hô̆i lơ̆m anih jang chĭnh trĭ, pơm jang tơbôl ngĭ viê̆n păng jang hadoi pơgơ̆r hop akŏm ngĭ viê̆n apŭng plenh teh hăm lơ teh đak. Kơdră teh đak Nguyễn Xuân Phúc lui ngeh ƀar Kuôk hô̆i, dôm Anih jang păng ƀar Khul ngĭ sih kơ Kuôk hô̆i ƀar teh đak gô pơtoi jang atŭm kơjăp, tơgŭm kăp gĭt ăn tơdrong jang kơ ƀar teh đak kiơ̆ tơdrong kĭ pơkăp dôm hla bar pơm jang hadoi ƀar păh.

Lan chih păng pơre nơ̆r