VOV4.Bahnar – Ăh 12 jơ năr 26/11 kiơ̆ jơ Việt Nam, Kơdră teh đak Nguyễn Xuân Phúc atŭm hăm hơkăn ƀok chĕp kơ̆l khul kơpal Việt Nam hlôi truh cham gre păr apŭng plenh teh Geneva, pơtơm 'măng năm tơmang teh đak Thụy Sỹ đơ̆ng năr 25 truh năr 29/11. Lơ̆m 'năr mă blŭng năm tơmang Thụy Sỹ, đơ̆ng rŏng kơ lêh xơng, Kơdră teh đak Nguyễn Xuân Phúc pơma đam hăm Kơdră teh đak Thụy Sỹ Guy Parmelin; tơjrâ̆m Kơdră Anih jang kơ teh đak Thụy Sỹ; năm akŏm Anih jang mŭk drăm Việt Nam-Thụy Sỹ. Lơ̆m 'măng năm tơmang, Kơdră teh đak năm tơmang plei tơm Bern; năm tơmang păng tơjrâ̆m Kơdră Hô̆i đŏng tơring Geneva; xơng pơma dơnuh hăm khul kơpal kơ anih jang teh đak Thụy Sỹ; tơjrâ̆m kon pơlei Việt Nam erih jang xa tơ̆ Thụy Sỹ. Kơdră teh đak duh gô tơjrâ̆m, pơm jang hăm dôm anih jang lơ teh đak noh Kơdră dơnơm kơ Anih jang Tĕch pơdro apŭng plenh teh (WTO), Kơdră dơnơm kơ Anih jang Y tê̆ Apŭng plenh teh (WHO), Kơdră dơnơm kơ Anih jang găh Kơ̆l 'ngok rơgei apŭng plenh teh (WIPO) Kơdră anih jang găh khul kơdăh ƀơlŏng apŭng plenh teh (FIFA).

Lan chih păng pơre nơ̆r