VOV4.Bahnar  – Lơ̆m 'năr pơm jang mă blŭng tơ̆ New York, Hoa Kỳ, năr 21/9 kiơ̆ jơ 'năr tơ̆ tơring âu, Kơdră teh đak Nguyễn Xuân Phúc duh hlôi đei minh ƀar tơdrong tơjrâ̆m hăm Kơdră kơpal dôm teh đak păng Kơdră Anih mong jên apŭng plenh teh. Tơ̆ jơ tơjrâ̆m Kơdră teh đak Hàn Quốc Moon Jae-In, Kơdră Hàn Quốc 'meh vă hơtŏk pran hloh tơbôl jang hadoi hăm Việt Nam, adrin đei jơnei 100 tih đôlar ăh xơnăm 2023, hơtŏk pran tơdrong jang hadoi lơ̆m dôm tơdrong jang mŭk drăm kiơ̆ trong 'nao, sinh phẩm, jang găh jên hu... Lơ̆m khei năr pơrang jĭ COVID-19 hơbuh hli, Kơdră Moon Jae-In tơchơ̆t, Jơnŭm pơgơ̆r teh đak Hàn Quốc pơkăp tơgŭm ăn Việt Nam hloh 1 trĭu kơliu vaccine păng gô pơjao ăn Việt Nam ăh tong anê̆ khei 10 âu kơnh. Tơ̆ 'măng tơjrâ̆m hăm Ƀok Micheal Martin, Thủ tướng Ai-len, teh đak jang Kơdră pơlơh kơ Anih vei xơđơ̆ng tơpôl kơ Liên hơp kuôk ăh khei 9/2021, Kơdră teh đak pơkăl đơ̆ng rŏng kơ hơlen tơnăp pơrang jĭ, ƀar păh dăh hrôih pơtoi pơma đam đe kơpal, hơtŏk pran jang hadoi lơ̆m dôm tơdrong jang nai. Duh lơ̆m năr 21/9, Kơdră teh đak duh hlôi đei lơ tơdrong tơjrâ̆m hăm Khul Kơdră kơpal kơ dôm teh đak Thái Lan, Bangladesh, Sri Lanka, Latvia, Thụy Điển, Guyana, Lesotho, Costa Rica, Colombia, păng Uruguay pơma đam găh lơ trong jang vă hơtŏk pran tơbôl jang hadoi hăm dôm teh đak đei jơnei tơnăp hloh.

Lan chih păng pơre nơ̆r