VOV4.Bahnar  – Pơgê năr 22/11, tơ̆ Anih jang Khul kơdră, ƀok Kơdră teh đak Nguyễn Xuân Phúc, Kơdră Jơnŭm vei xơđơ̆ng tơpôl teh đak, Kơdră khul linh Kon pơlei, pơjao Tơchơ̆t hơtŏk kơlong adrol kơ khei năr pơkăp đơ̆ng Phŏ Kơdră Khul linh duk hơtŏk kơlong Thượng tướng ăn ƀok Phạm Hoài Nam, jang lơ̆m Trung ương Đảng, jang lơ̆m Anih jang linh Trung ương, Thư̆ trưởng Anih tơm Linh teh đak.

Pơma ăh pơjao xơnong jang, Kơdră teh đak Nguyễn Xuân Phúc xơkơ̆t, Thượng tướng Phạm Hoài Nam jing minh kang ƀô̆ đei đon kơchĕng tơnăp, kơjăp, đon bơnôh 'lơ̆ng; đei hŏk pơhrăm kơjung, gơh kloh klĕch, hlôh vao păng pơm jang rơgei; đei pơhrăm đơ̆ng tơ̆ hơla; hlôh vao lơ̆m tơdrong pơgơ̆r, vei hơlen dôm anih linh. Kiơ̆ đơ̆ng xơnong jang đei Ƀô̆ trưởng Anih tơm linh pơjao, Kơdră teh đak pơkăl ƀok Thượng tướng Phạm Hoài Nam pơtoi hơtŏk pơm jang găh xơnong jang vei xơđơ̆ng teh đak kiơ̆ pơkăp kăl, hơmet tôm kih thuơ̆t phao kơtuang 'nao ăn khul linh vă tơgop vei xơđơ̆ng jang kiơ̆ trong 'nao kơ teh đak. Pơtoi tơbang trong jang khĭn kơchĕng, khĭn tơplih 'nao, khĭn tơjră hăm tơnap tap, khĭn pơm jang kơyuơ tơdrong pơyua atŭm.

Lan chih păng pơre nơ̆r