VOV4.Bahnar  – Ƀơ̆t 'măng Hop akŏm Jơnŭm jang Ngĭ viê̆n dôm teh đak ASEAN 'măng mă  42 (AIPA- 42) hlôi pơtơm kiơ̆ pơkăp trư̆k tuyê̆n, tang măt ăn Khul kơpal teh đak păng kon pơlei Việt Nam, Kơdră teh đak Nguyễn Xuân Phúc hlôi pơtruh nơ̆r thơ thâu hơ iă hăm Hop akŏm Jơnŭm jang AIPA-42. Kơdră teh đak ră hơdăh, Hop akŏm Jơnŭm jang AIPA-42 đei pơgơ̆r lơ̆m khei năr apŭng plenh teh păng lơ̆m tơring oei pŭ răm đơ̆ng pơrang jĭ COVID-19 hơbuh hli, tơrĕk kơnê̆ truh hơtŏk mŭk drăm – tơpôl păng tơdrong erih kon pơlei tơ̆ dôm teh đak.

          Lơ̆m khei năr tơnap tap dang ei, Kơdră teh đak kăp gĭt ră hơdăh tơdrong kăl kơ dôm anih jang găh luơ̆t dôm teh đak ASEAN, kiơ̆ đơ̆ng AIPA păng dôm Ngĭ viê̆n vang jang tơm jang hadoi tơnăp păng tơgŭm dih băl lơ̆m tơdrong adrin đơ̆ng dôm khul kơpal teh đak akŏm jơhngơ̆m pran kơ tôm ASEAN vă yak hloh tơnap tap hrat hrĭn, pơtoi jang đei jơnei dôm tơchơ̆t pơjing jơnŭm jang tơpôl pran kơtang.

Lan chih păng pơre nơ̆r