VOV4.Bahnar  – Pơgê năr 12/5, Kơdră teh đak bơ̆n Nguyễn Xuân Phúc xơng Khul tang măt ăn Kon pơlei kon kông dêh char Bắc Giang ƀơ̆t Khul năm tơmang Anih tơm Hà Nội, truh tơmang tơ̆ Anih jang Khul kơdră. Xơkơ̆t lơ̆m khei năr âu ki, Bắc Giang hlôi pơgơ̆r tơnăp, đei jơnei tơdrong jang tơjur hin dơnuh, ưh adrô̆ tơrĕk hơtŏk jang kŏng ngĭp, tĕch pơdro mă oei tơrĕk hơtŏk mŭk drăm tơpôl tơring bơngai kon kông, tơrĕk xut lê̆ pơngot tơjur hin dơnuh tơ̆ tơring ataih yaih.

          Kơdră teh đak ră hơdăh Đảng, Teh đak hơnơ̆ng tơrĕk truh kon pơlei kon kông, tơring ataih yaih, tơring tơnap tap. Lơ̆m khei năr khul kơnê̆ hơnơ̆ng iŏk găh tơdrong kon kông, tơdrong khop vă pơm chere, phă pơrăm trong pơkăp jang đơ̆ng Đảng, Teh đak, Kơdră teh đak xơkơ̆t tơdrong vei xơđơ̆ng đon bơnôh tơguăt tơguăl kon pơlei jing kăp gĭt lơ̆m tơdrong tơ iung pơjing păng hơtŏk tơ iung teh đak.  

Lan chih păng pơre nơ̆r