VOV4.Bahnar - Pơgê năr 27/10, tơ̆ Hơnih bơ̆ jang Radiô Nơ̆r Pơma Việt Nam, 58 Quán Sứ, Hà Nội, pơgơ̆r Hop akŏm tơgoăt tơgoăl Việt Nam – Indonesia ‘măng mă IV hăm trong pơgơ̆r trư̆k tuyên.

Tơ̆ Hop akŏm, rim Kơdră tang măt pơma dơnŭh, pơdrơ̆ng kiơ̆ Hla bơar chĭh tơbăt pơtôch bơ̆ jang lăng hơlen tơdrong jang kơ Khŭl lơ̆m 5 sơnăm au ki, tơlĕch trong jang kơ Khŭl lơ̆m jăl jang 2021-2026. Hop akŏm jei pơgơ̆r pôk rơ̆ih Khŭl kơdră chĕp pơgơ̆r Trung ương Khŭl, Kơdră chĕp pơgơ̆r, Hơnĭh jang dăr lăng păng rim kơchư̆k kơdră chĕp pơgơ̆r tơm dơnơm anai kơ Khŭl. Khŭl tơgoăt tơgoăl Việt Nam – Indonesia hlôi hơdrin kơtang vang tơgop lơ̆m atŏk kơtang hơmet pơ ‘lơ̆ng, tơgoăt tơgoăl mĭnh nơ̆r ƀơ̆r đon, pơtrŭt kơtang jang hơdoi, pơ̆ih să yak năm dĭh băl lơ̆m chăl hle kơ tơgoăt tơgoăl jang hơdoi gĭt kăl. Khŭl hlôi akŏk kơtang hơnăp jang pơm gơng tơrŏh klŏh klĕch ƀar păh rim tơdrong jang hơdoi ƀar tĕh đak, tơgop pơtrut kơtang jang hơdoi, pơgĕnh rim tơdrong đei ăn atŏk tơ iung mŭk drăm, tơpôl, vei lăng tơdrong đei iŏk yua ăn tĕh đak.

Tơblơ̆ nơ̆r: Amazưt