VOV4.Bahnar - Tơmang pơhiơ\ tơ\ mir pơgar jing tơdrong tơmang pơhiơ\ ‘nao kơ Đà Lạt – Lâm Đồng hlôi pơjing tơdrong ‘lơ\ng hơ iă păng hơvơn lơ tơmoi truh tơmang păng pơm jang, tơgop hơto\k mu\k drăm ăn tơdrong jang tơmang pơhiơ\ dơnơm kơ tơring. Mă lei, lơ\m 5 xơnăm jang hơlen lăng, tơdrong pơih xă păng hơto\k um ru\p jang tơmang pơhiơ\ mir pơgar kơ Đà Lạt – Lâm Đồng hlôi tơbang lơ tơdrong oei tơjruh. Yuơ noh, Lâm Đồng athei pơdơh le# ‘mơ\i tơdrong pơm kiơ\ pơkăp axong jang tơmang pơhiơ\ mir pơgar lơ\m ja#p dêh char.

Khei năr âu ki, tơring tơmang pơhiơ\ var pơgar tơ\ Pơgar pơtăm tôl tơ\ jăl trong Hồ Xuân Hương, phương 9, plei tơm Đà Lạt (Lâm Đồng) hơnơ\ng hơvơn lơ tơmoi truh tơmang. Tơ\ âu, ưh adro# pơtăm dôm hơdre\ch tôl đei plei tih, mă tơ ‘ngla pơgar oei chă ako\m păng pơtăm lơ hơdre\ch tôl chrih, dôm hơdre\ch ‘nhot kăp g^t kơ Đà Lạt. Pơmai Nguyễn Ánh Minh, tơmoi đơ\ng plei tơm HCM akhan, ưh đei kiơ hơ iă hloh [ơ\t đei [ôh đang măt dôm plei tôl tih, đei kơdih tơpang po pe\ io\k, xa hơlen lăng dôm hơdre\ch ‘nhot, plei ‘long kơ Đà Lạt. Hăm pơmai, jo# đơ\ng ro\ng kơ pơrang j^ Covid-19 hơbuh hli truh dang ei, ‘măng pơdơh pơdei âu hlôi pơjing đei lơ tơdrong vơch lơ\m đon: “Inh lăp chă năm tơmang tơ\ mir pơgar choh jang thoi âu. Inh đei ho\k hơlen găh trong pơtăm, lơ kơloăi hơdre\ch ‘nao dơ\ng. Rim ‘măng năm tơmang noh [ôh đei anih ‘nao, nhen ‘măng mă âu tơ ‘ngla pơgar pơdă lơ hơdre\ch tôl ‘nao tôch ‘lơ\ng. Inh tơroi ăn lơ bôl boăl truh tơmang đe adoi lăp kơ đon”.

Oei hăm tơmoi Nguyễn Thị Nhung, [ơ\t ăh truh tơmang păng kơdih po pe\ plei pơmur đum brê tơ\ anih tơmang pơhiơ\ mir pơgar ‘lơ\ng hơ iă. Tơ\ âu, ‘nguaih kơ đei hơlen tơdrong jang kơ bơngai jang chu\n, pơmai păng bôl boăl po hlôi chu\p lơ um, răk ‘măn găh dôm jơ ‘năr chơt hơ iă kơ ‘măng chă tơmang âu: “Inh tôch lăp kơ đon [ơ\t truh tơmang tơ\ anih tơmang pơhiơ\ thoi âu. Kơlih truh tơ\ âu inh hlôi [ôh đang măt ‘long pơtăm hăp to\k giơ\ng thoi yơ păng erih lơ\m cham char thoi yơ. Kiơ\ đơ\ng noh, inh pơtơm băt hơdăh găh trong pơtăm tơmam drăm rơgoh ‘lơ\ng noh yă kiơ, pơm tơle\ch tơmam drăm ‘lơ\ng xơđơ\ng ăn bơngai răt yua”.

Vă che\p vei tơdrong pran, mu\k drăm păng tơdrong hiôk găh choh jang xa vă pơm jang đei jơnei dôm mu\k drăm hlôi đei pơm tơle\ch dôm tơmam drăm ‘nao ‘măn ăn tơmang pơhiơ\, pơjing tơdrong pơyua, xek axong tơdrong jang păng tơbang tơmam drăm choh pơtăm kơ tơring, ăh je# đ^ xơnăm 2015, Anih vei lăng kon pơlei dêh char Lâm Đồng hlôi k^ pơkăp Tơdrong axong pơjing anih tơmang pơhiơ\ mir pơgar lơ\m tơring kơ dêh char.

Kiơ\ 5 xơnăm pơm jang, truh dang ei, Lâm Đồng hlôi đei 33 anih tơmang pơhiơ\ choh jang xa đei axong hla bar pơkăp pơm jang, hloh 10 anih nai to\k bo\k oei đei axong pơm jang, hăm kơso# tơmoi truh tơmang, pơm jang đei je# 4,3 triu ‘nu tơmoi păng đei yua đơ\ng tơdrong jang âu je# 200 tih hlj, tơmơ\t lơ\m jên mong teh đak pơhlom 20 tih hlj.

Kiơ\ kơ [ok Phạm S, Pho\ Kơdră Anih vei lăng kon pơlei dêh char Lâm Đồng, kơyuơ Lâm Đồng jing tơring mă blu\ng lơ\m ja#p teh đak tơle\ch jang pơlong năng găh tơmang pơhiơ\ mir pơgar, tơguăt hăm tơmang pơhiơ\ păng choh jang xa noh đei [ôh lơ tơdrong tam mă [lep, lơ\m noh tơnap tap tih hloh dang ei noh tơdrong vei xơđơ\ng tơdrong ming man tơ\ dôm anih tơmang pơhiơ\ mir pơgar âu. Hlôi đei [ôh minh [ar anih jang, tơ ‘ngla pơm jang io\k tơdrong hơto\k tơmang pơhiơ\ ‘nao âu vă axong te\ch pơdro găh teh... pơm ăn tơdrong vei lăng mu\k drăm teh, tơpôl tơ\ tơring kơdra#m roi tơnap kơ hơlen. {ok Phạm S tơroi: “Lơ\m tơdrong jang hơlen lăng noh hlôi [ôh đei lơ tơdrong tam mă ‘lơ\ng, noh jing minh anih hơto\k jang tôch ie\, ưh kơ măh ăn tơdrong ming man tơdrong kăl ăn tơmoi, pơm ăn tơmoi jơjo\k păng pơrăm truh tơdrong jang atu\m kơ tơdrong jang tơmang pơhiơ\ dêh char Lâm Đồng păng plei tơm Đà Lạt. Lơ anih jang io\k tơdrong hơto\k tơmang pơhiơ\ âu vă ming man glăi lơ tơdrong kăl lơ\m hơgăt teh choh jang xa. Minh tơdrong dơ\ng noh đei tơdrong ưh kơ mơ\ng bri man hloi hnam oei xa kơtă ăh tơring tơmang pơhiơ\ mir pơgar kơ po, pơjing he# kơjă teh to\k kăp ưh đei tơpă, lơ\m kơplăh noh tam mă đei jăl kơpal mă yơ vei hơlen. Mưh ưh pơdơh axong hla bar phep pơm jang noh gô pơrăm tih tên truh tơdrong vei hơlen teh, mu\k drăm tơmang pơhiơ\ kơ plei tơm Đà Lạt”.

Jing tơring teh đei hơyuh to# ‘mi xơđơ\ng, rơngơp prăt xơnăm, Đà Lạt – Lâm Đồng đei mu\k drăm păng tơdrong pran vă hơto\k pơtăm lơ hơdre\ch ‘nhot [um kăp g^t, atu\m hăm tơdrong io\k yua trong jang ‘nao rơgei lơ\m choh pơtăm hlôi pơm ăn tơdrong choh jang xa hơto\k pran hloh. ‘Nâu jing tơdrong tơm kăl hloh, jing trong hiôk hu\i kơ đei vă Đà Lạt – Lâm Đồng hơto\k pran găh tơmang pơhiơ\ mir pơgar păng pơdui hloi dôm tơdrong jang mu\k drăm nai. Kơyuơ noh, Anih vei lăng kon pơlei dêh char Lâm Đồng to\k bo\k oei pơgơ\r dôm anih jang đei tơre\k ako\m chă hơlen, pơkăp păng hơmet dôm tơdrong tơchơ\t mă tro\ [lep vă hơmet pơ ‘lơ\ng dôm tơdrong oei tơhlăk tơhl^n, hơ ‘nhăk tơdrong jang tơmang pơhiơ\ mir pơgar hơto\k tơ iung kơjăp lơ\m khei năr truh.

Lan chih păng rapor