VOV4.Bahnar - Đơ̆ng rŏng kơ tơ̆ng lơ tơ ring pơm rơ hơi tơ drong ưh ăn yak vih vơ̆t, kon pơ lei rim dêh char tŏk bŏk jang sa tơ̆ Bình Dương hlôi hơ nhăk ba tơ mam vă brŏk tơ̆ pơ lei. Mă lei, kơ dră chĕp kơ̆l dêh char Bình Dương tơ băt, dang ei oei tam mă gơh ăn kon pơ lei năm vih tơ̆t tơ̆ lơ dêh char. Găh tơ drong chă nơ năm đơ̆ng kon pơ lei, kơ dră chĕp kơ̆l dêh char Bình Dương tơ băt, tơ ring tam mă ăn năm lĕch kơ dih đơ̆ng dêh char. Hăm bơ ngai kră, hơ ioh, bơ ngai oei hơ năp, bơ ngai mơ mat tat đei gơh ăn brŏk tơ̆ pơ lei mă lei athei đei tơ drong jang hơ dai đơ̆ng 2 tơ ring păng kiơ̆ ƀlep tơ drong hơ găt tang găn jĭ COVID-19. Oei hăm tơ drong năm vih vơ̆t lơ̆m tơ ring jơk, lăp dôm bơ ngai hlôi đei ƀet tŏ sĕt hloh 1 jrŭm vaccine đơ̆ng rŏng 14 năr, F0 klăih kơ jĭ đĭ khei ‘năr ăn oei hơ drô̆ tơ̆ hnam gơh ăn lĕch tơ̆ trong; tang găn tôch ai bơ ngai kră, bơ ngai đei tơ drong jĭ đơ̆ng hơ drol păng hơ ioh chă nơ năm tơ̆ trong. Hăm bơ ngai jang kăl kơ đei hla ar hơ len lăng hơ dăh bơ̆ jang.

Thuem: Tơ blơ̆