VOV4.Bahnar - Khei năr au ki, kơ jê̆ tiu hlôi đei tŏk ƀiơ̆ hăm 70.000 hlak jên lơ̆m 1 kĭ păng hơnơ̆ng sơđơ̆ng lơ lŏh. Kơ yuơ lơ lŏh, lơ kon pơlei tơ̆ Gia Lai hlôi păng tŏk bŏk pơtăm dơ̆ng tiu. Mă lei, kon pơlei kăl kơchĕng, hơlen mă brĕ, vĕh ver tơdrong “mư̆h măt ‘nŏh tơmơ̆t jên jang lơ, chă pơtăm mơ̆ng kơ vă, mư̆h kơ jă re pơm ăn hiong răm pơgŏh”. Kiơ̆ đơ̆ng khŭl joăt jang hơlen găh tiu akhan, khei năr au, tơdrong lang să chă pơtăm tiu tơ̆ Gia Lai ‘nŏh jĭ tôch kơ lăp. Kơ yuơ đơ̆ng rŏng lơ sơnăm pơdơ̆h chă pơtăm tiu lơ̆m mir pơgar tiu lôch kơ yuơ sơdrông pơrang pơrăm vă pơtăm ‘long pơtăm hrôih, lơ mir pơgar hlôi hơmet pơ ‘lơ̆ng, sơdrông pơrang lơ̆m tĕh jei pă gan đei. Atŭm hăm ‘nŏh, tơdrong kơ jă tiu măt jing tôch rơvơn ăn kon pơlei jang sa. Mă lei, kon pơlei kăl pơgĕnh pơm kiơ̆ nơ̆r pơtho khan đơ̆ng hơnĭh bơ̆ jang găh tơdrong au vă vĕh ver kĕ tơdrong hiong răm nhen hơdrol au ki.

Tơblơ̆ nơ̆r: Amazư̆t