VOV4.Bahnar - Lơ̆m 10 ‘nu đei hơnăn ăn pôk tơmơ̆t, bơngai tăh hla Kon Tum hlôi rơ̆ih pôk tơmơ̆t 6 ‘nu bơngai pơm Kơdră tang măt Kuô̆k hô̆i jăl XV.

Bơngai tăh hla Kon Tum lăng dơ̆ng rim tơdrong kơtơ̆ng ang găh bơngai chĭh hơnăn ăn pôk tơmơ̆t hơdrol vă tăh hla

Mă hơdăh 6 ‘nu bơngai đei kon pơlei tăh hla dêh char Kon Tum pôk tơmơ̆t pơm kơdră tang măt Kuô̆k hô̆i jăl XV ‘nŏh đei: Ƀok Nguyễn Văn Hùng, kơdră jang lơ̆m Dơnŏ anĭh bơ̆ jang Trung ương Đảng, Kơdră chĕp pơgơ̆r Dơnŏ anĭh tơm vei lăng Jŏh ayŏ kơdŏ soang, Đă ƀŏng lŏng pơllŏng kơdau păng Tơmang pơ hiơ̆; Yă Trần Thị Thu Phước, hơdrung Xơ Đăng, Kơ iĕng Kơdră chĕp pơgơ̆r Kŏng ang dêh char Kon Tum; Ƀok Tô Văn Tám, Kơ iĕng kơdră Khŭl tang măt Kuô̆k hô̆i dêh char Kon Tum, Kơdră jang lơ̆m Dơnŏ anĭh bơ̆ jang Khôi luơ̆t Kuô̆k hô̆i; Ƀok Phạm Đình Thanh, Kơdră chĕp pơgơ̆r Sở Tư pháp dêh char Kon Tum; Ƀok U Huấn, Kơdră jang hmŏ Trung ương Đảng, Kơdră jang lơ̆m Dơnŏ chĭh chĕp pơgơ̆r Đảng dêh char, Kơdră chĕp pơgơ̆r Hơnĭh bơ̆ jang Nô̆i chĭnh Đảng dêh char Kon Tum; Yă Nàng Xô Vi, hơdrung Brâu, bơ̆ jang tơ̆ Hnam trương Jăl ƀar pêng tĕh đak rong ‘me dêh char hơnĭh sơdrai tơ̆ apŭng Ia H’Drai. Rim kơdră đei pôk tơmơ̆t pơm Kơdră tang măt Kuô̆k hô̆i jăl XV tơ̆ dêh char Kon Tum sơng iŏk đei kơ phĭu pôk tơmơ̆t đơ̆ng bơngai tăh hla đei đơ̆ng 82,97% trŭh 93,39%.

Tơblơ̆ nơ̆r: Amazưt