VOV4.Bahnar  – Pơtơm đơ̆ng năr 13/10, dêh char Kon Tum tơchơ̆t axong gre kơdâu chơ tơmoi kiơ̆ pơkăp truh 9 dêh char, plei tơm lơ̆m Trung ương đei Vĩnh Phúc, Hải Dương, Thái Bình, Thanh Hóa, Quảng Ngãi, Đà Nẵng, Gia Lai, Bình Định păng dêh char Thừa Thiên - Huế. 

Vă vei xơđơ̆ng tơdrong jang tang găn păng tơjră pơrang jĭ COVID-19, Anih vei lăng kon pơlei dêh char Kon Tum pơkăl Anih jang găh trong nơnăm dêh char jang atŭm hăm Anih jang găh trong nơnăm dôm dêh char, plei tơm đei tơrĕk drơ̆ng lăp găh tơdrong pơgơ̆r păng axong gre vih vơ̆t kiơ̆ pơkăp đơ̆ng Anih tơm jang găh trong nơnăm. Anih jang Y tê̆ pơtho, pơm kiơ̆ pơkăp tang găn păng tơjră pơrang jĭ COVID-19 hăm dôm bơngai chôt vih đơ̆ng dôm dêh char roi tơ̆ kơpal ƀơ̆t truh tơring athei pơm kiơ̆ pơkăp y tê̆ hăm dôm bơngai âu kiơ̆ trŏ tơchơ̆t.

Lan chih păng pơre nơ̆r