VOV4.Bahnar - Tơ̆ dêh char Kon Tum, đơ̆ng năr 5/10 trŭh năr 6/10, dơnŏ anih jang pơgang dêh char hlôi ƀô̆h rim bơngai tơpŏh jĭ păng jĭ hơlơ̆k dơ̆ng SARS-CoV-2. ‘Nau dôm kon pơlei brŏk kơ dĭh đơ̆ng dêh char Bình Dương.  Mă hơdăh lơ̆m năr 6/10, hlôi đei 4 ‘nu bơngai đei Dơnŏ anĭh vei lăng jang pơgang dêh char Kon Tum ƀô̆h tơpŏh jĭ SARS-CoV-2.

Lơ̆m 4 ‘nu bơngai F0 đei 2 ‘nu bơngai oei tơ̆ tơring Pôkô, apŭng Đak Tô. 1 ‘nu bơngai tơring Đak Kan, apŭng Ngŏk Hôi păng bơngai uơ oei ‘nŏh oei lơ̆m tơring Đak Ha. Dôm bơngai F0 au jei hlôi ăn oei hơdrô̆ akŏm lăp đơ̆ng rŏng brok đơ̆ng Hải Dương trŭh tơ̆ Hơnĭh gak tang găn jiĭ kơsô̆ 1 Sao Mai, pơlei tơm Kon Tum lơ̆m năr 4/10. Lơ̆m năr 5/10, Dơnŏ anĭh vei lăng jang pơgang dêh char Kon Tum hlôi ƀô̆h 12 ‘nu bơngai jĭ hơlơ̆k dơ̆ng SARS-CoV-2.  Dôm bơngai au hlôi đei ming hơmet jĭ covid-19 tơ̆ Bình Dương, brŏk vĭh kơdĭh tơ̆ dêh char păng đei lăng hơlen tơ̆ Hơnĭh gak tang găn pơrang jĭ kơsô̆ 1 Sao Mai, pơlei tơm Kon Tum. Dang ei, Kon Tum jing dêh char kăl hlŏh tơ̆ Tây Nguyên tim mă ƀô̆h bơngai jĭ Covid-19 lơ̆m kon pơlei.

Tơblơ̆ nơ̆r: Amazưt