VOV4.Bahnar - Năr 5/4, Dơnŏ anĭh jang Khoa hŏk păng Kmăi kmŏk dêh char Kon Tum tơroi tơbăt găh ƀơk ăn hla bơar tơdrơ̆ng nơ̆r gơ̆h iŏk yua nơ̆r tơbăt groi tĕh “Ngŏk Linh” păng iŏk yua Tem tơbăt groi tĕh “Ngŏk Linh” ăn tơmam drăm sâm ƀum.

Sâm Ngok Linh pơtăm tơ̆ tơring Măng Ri, apŭng Tu Mrông, dêh char Kon Tum

Kiơ̆ kơ ‘nŏh rim hơnĭh, rim bơngai jang pơm tơlĕch, tĕch mơdro sâm ƀum Ngŏk Linh găh tơring tơbăt groi tĕh Ngŏk Linh ‘nŏh đei rim tơring: Đak Na, Măng Ri, Ngọc Lây, Ngọc Yêu, Văn Xuôi, Tê Xăng kơ apŭng Tu Mrông păng Mường Hoong, Ngọc Linh, Xốp kơ apung Đak Glei ‘mĕh vă iŏk yua Nơ̆r tơbăt groi tĕh Ngŏk Linh tĕnh koăng ba hla bơar ăn kơ Dơnŏ anĭh jang Khoa hŏk păng Kmăi kmok dêh char Kon Tum hơdrol năr 17/4/2021 vă đei lăng hơlen ƀơk ăn hla bơar drơ̆ng nơ̆r iŏk yua Nơ̆r tơbăt Groi tĕh Ngŏk Linh ăn tơmam drăm sâm ƀum. Tơdrong ƀơk ăn Hla bơar drơ̆ng nơ̆r iŏk yua Nơ̆r tơbăt groi tĕh Ngŏk Linh păng tem tơbăt groi tĕh Ngok Linh Kon Tum đei jang keh đang hloi lơ̆m khei 4 au.

Tơblơ̆ nơ̆r: Amazưt