VOV4.Bahnar - Đei lăng nhen tơring  Đà Lạt mă 2, tơring groi kông Kon Plông- apu\ng Kon Plông, dêh char Kon Tum đei kon bri brăh, ‘long bri chêk lar truh kơ 82%. Xkơ\t âu jing tơdrong pran vă ato\k tơ iung tơmang pơhiơ\, lơ\m dôm xơnăm kơ âu tơdrong jang vei lăng bri tơ\ apu\ng âu đei dôm jăl pơgơ\r tơ\ tơring tơre\k truh. Mă lei tơpă ăn [ôh, lơ hơgăt bri tơ\ Kon Plông oei [ơm phă pơrăm hăm lơ tơdrong jang kne# knôt.

Le\ch đơ\ng anih tơm apu\ng Kon Plông, rok kiơ\ jăl trong 676 năm truh xăh Măng Cành, truh km mă 12 veh găh ‘ma găn anih xir tơmo kơ minh anih jang ming man kơtă ăh tơring 474. Găn krang ataih pơhlom 100 mét tơblơ\r tơ\ ‘măng bri hlôi [ôh gru kơ tơm ‘long tih [ơm koh pơrăm. Lơ tơm ‘long tih, đei kjă kăp oei pă tơm đe\ch, xơdrai păng hlak kơđoh đe\ch.

{ok Võ Minh Văn, Kdră Anih hơlen bri apu\ng Kon Plông ăn tơbăt, tơring 474 jing bri pơm jang hlôi đei pơjao ăn Anih vei lăng kon pơlei xăh Măng Cành vei hơlen. Jơnu\m pơgơ\r tơring đơ\ng ro\ng kơ noh pơjao 900 ha ăn 150 unh hnam kon pơlei tơ\ 3 pơlei Kon Kum, Tu Ma păng Tu Rằng vei bri kiơ\ Tơchơ\t 30a đơ\ng Jơnu\m pơgơ\r teh đak. Găh tơdrong mă bri oei đei mă lei lơ\m lăm ưh kơ đei hơkâu, [ok Văn akhan, mă kăl noh yuơ kon pơlei tơ\ tơring pơm: “Găh tơdrong mă bri [ơm phă pơrăm noh minh [ar kon pơlei. Pơma tơpă noh tơ\ tơring. Rim bngai adoi ‘meh io\k to\ xe\t tơ\r, bngai âu io\k [ar pêng tơm vă hơmet hnam, mă kăl noh bơ\ rông noh mă kăl lơ tơ\r hloh. Minh pôm rông kăl truh 30m3. Minh pôm hnam kon pơlei noh kăl hloh 10m3 tơ\r pơtơm măh vă bơ\ hnam. Hơdrong kơpô, rơmo noh kăl hloh 5m3 ăn minh hơdrong rơmo. Dang kxo# tơ\r kăl lơ mơ\n”

Hơlơ\k hăm tơdrong tơblang đơ\ng [ok Kdră anih hơlen bri Kon Plông găh tơdrong tơm pơm ăn bri [ơm koh pơrăm, [ok A Ninh, Kdră Anih vei lăng kon pơlei xăh Măng Cành akhan, kon pơlei lơ\m xăh adro# io\k tơ\r măh vă bơ\ 10 to\ rông, 8 to\ hnam tơguăt tơguăl păng bơ\ hơdrong kon tơrong đe\ch. Tơdrong bơ\ rông duh keh đang đơ\ng je# xơnăm xơ\. Kơlih khul tơtông ‘long bri noh jing khul tơm pơrăm bri. {ok A Ninh duh ăn tơbăt, đơ\ng blu\ng xơnăm truh dang ei, unh hnam kon pơlei io\k vei lăng bri păng khul du kích tơ\ xăh hlôi rôp đei 5 ‘măng phă bri, thu io\k 10 to\ kmăi ot, 5 to\ kmăi chrek tơ\r đơ\ng khul tơtông bri. Vă tang găn khul tơtông bri mơ\t ot tơ\r chơ le\ch đơ\ng bri, jơnu\m pơgơ\r xăh athei ‘măn kơđinh tơ\ dôm anih tơm, bơ\ pơga pơgăn mă duh ưh kơ ke\ hơlen tơdrong phă bri: “Khul tơtông bri hmo\ ăh ‘năr mă khul vei bri ưh kơ đei hơlen [a trui noh mă năm koh ‘long. Khul tơtông ‘long bri dang ei rơgei tôch dêh, đei kmăi ot ‘nao. Adro# lơ\m 1 jơ đe\ch mă hăp koh ot noh đei tơ\r chơ ‘nhăk bơih, noh tơdrong vei hơlen bri tơjra#m lơ tơnap tap”.

Roi mơ\t jru\ tơ\ tơring bri 474, tơdrong phă bri roi hơdăh hloh. Tơ\ tơring pơkăp X- 00583591; Y- 01623618 ataih đơ\ng trong tơm lơ\m bri pơhlom 50m, đei anih ako\m tơ\r đơ\ng khul tơtông bri. Tơ\ anih âu oei đei hloh 10 ‘long tơ\r, rim ‘long kjung hloh 2 mét, tih pơhlom 30cm mă khul tơtông hu\t le#.

Atu\m hăm dôm tơm ‘long tro\ koh ot đunh bơih noh rơna hon [enh, tơ\ tơring bri [ôh lơ ‘long bri [ơm koh ot, adoi oei le\ch kơtăk. Tơdrong mă âu [ôh hơdăh tơ\ âu hlôi [ơm pơrăm ‘long bri đơ\ng đunh xơ\. {ok Lê Đức Tín, Pho\ kdră Anih vei lăng kon pơlei apu\ng Kon Plông xkơ\t, tơdrong mă bri tơ\ tơring 474 [ơm phă pơrăm noh đei hloi bngai đei pơjao vei bri păng khul tơtông bri păng apu\ng oei pơgơ\r jang vă pơm hơdăh tơdrong mă âu: “Duh đei minh [ar hơgăt bri đei pơjao ăn tơpôl kon pơlei vei lăng adoi oei tơnap tap noh đe xư duh io\k minh [ar tơm ‘long tih vă bơ\ hnam, hơdrong kon tơrong. Tơje# hăm noh duh đei minh [ar bngai pơm glăi kơluơ\t vei bri. Apu\ng hlôi đei hla bar pơkăp pơgơ\r anih jang vei bri, ko\ng ang xkơ\t hơdăh vă kơ băt tơm a hla chă”

Lơ\m kplăh Anih vei lăng kon pơlei apu\ng Kon Plông oei pơgơ\r rim anih jang kpal tơ\ tơring pơm hơdăh tơdrong phă bri tơ\ tơring 474 xăh Măng Cành, noh tơ\ lơ tơring bri nao tơ\ apu\ng âu, kon pơlei păng khul tơtông bri duh oei măng năr klenh mơ\t koh ‘long bri. Tơdrong kne# tơtông bri lơ\m tơring vă io\k tơm ‘long tih, đei kjă kăp đei kon pơlei tơ\ tơring ble\k kơ đon păng krao noh jing “phă bri kjăp xđơ\ng”. Mưh ưh kơ đei tang găn tơnăp, tơtom noh tơring groi kông Kon Plông, tơring đei pơtih nhen kơ Đà Lạt mă 2 gô oei pă hơnăn nhen kơ hơpo đe\ch.  

Lan chih păng rapor