VOV4.Bahnar - Vang tơ gŭm tơ jră hăm jĭ Covid-19, hơ tŏk jơ hngơ̆m iung jang, hơ gei đơ̆ng sơ năm mơ lôh, Anih jang Đoan dêh char Kon Tum hlôi pơ jing 12 Khŭl jang tơ gŭm rim tơ drong jang tang găn, pơm joăt hăm jĭ COVID-19. Lăp đơ̆ng rŏng kơ đei pơ jing, rim Khŭl jang tơ gŭm hlôi tơ gŭm tơ drong jang ƀet vắc xin tang găn jĭ COVID-19 tơ̆ rim hơ nih ƀet bơ̆ng lơ̆m dêh char; tơ gŭm chơ chuĕn tơ mam, sơng iŏk tơ mam chă asong truh rim hơ nih ăn oei hơ drô̆, hơ nih vei lăng jĭ; pơ vih pơ văn tơ̆ rim hnam pai gŏ tơ̆ rim hơ nih ăn oei hơ drô̆.

Khŭl jang tơ gŭm vang pai tơ mam sa lơ̆m hơ nih ăn hơ drô̆

Kŭm hăm pơ jing 12 Khŭl jang tơ gŭm rim tơ drong jang tang găn jĭ, pơm joăt hăm jĭ COVID-19, anih jang Đoan dêh char Kon Tum kŭm hơ drin krao hơ vơn jên tơ gŭm tơ mam drăm kơ măy mŏk tang găn jĭ ăn rim khŭl jang.

Thuem: Tơ blơ̆