VOV4.Bahnar - Tơ\ Kon Tum, đơ\ng blu\ng pơ yan phang truh dang ei đei 12 ‘măng unh xa bri, hiong răm hlo\h 17ha. Hlo\h 600.000ha bri ku\m hăm dôm j^t rơ bâu ha ‘long cao su tơ\ dêh char oei tôch hơ mơt đei unh xa, dêh hlo\h.

Tơ\ hơ năp tơ drong ‘nâu, ‘năr brei (11/3), Dơ no\ an^h vei lăng kon pơ lei dêh char Kon Tum đei nơ\r pơ tho athei hơ to\k tơ drong jang tang găn unh xa bri. Lơ\m nơ\r pơ tho, Dơ no\ an^h vei lăng kon pơ lei dêh char Kon Tum athei khul kơ dră che\p kơ\l dôm tơ ring păng an^h jang kơ pal hơ met khul gak tang găn unh xa bri prăt măng, prăt năr; ăn khul gak tơ\ dôm an^h g^t kăl, hơ mơt đei unh xa; tơ tom chă ôh păng p^t unh xa đơ\ng blu\ng hloi.

Ko\ng an dêh char, An^h che\p kơ\l pơ gơ\r khul linh dêh char, An^h che\p kơ\l khul linh vei lăng tơ ring sơ lam, Sư đoàn 10 hơ met tôm khul linh, tơ mam vă tơ gu\m p^t unh xa tơ dăh đei unh xa tih. Dôm tơ ring hơ to\k tơ drong tơ roi tơ băt, pơ tho tơ [ôh luơ\t ăn kon pơ lei găh tơ drong vei lăng bri păng tang găn, p^t unh xa bri.

Dơ\ng: Tơ blơ\