VOV4.Bahnar - Đơ̆ng rŏng hlŏh 2 jơ tơ chă, khul jang kơ pal apŭng Ngọc Hồi, dêh char Kon Tum hlôi chă ƀôh păng chông 6 ‘nu F0 kơ dâu ôn vih dơ̆ng tơ̆ anih hơ met jĭ. Tơ ring khul jang kơ pal chă ƀôh 6 ‘nu F0 kơ dâu ôn ‘nŏh tơ̆ 1 lô cao su găh xăh Đăk Kan, apŭng Ngọc Hồi. Kiơ̆ nơ̆r tơ roi blŭng a, đơ̆ng rŏng kơ kơ dâu lĕch đơ̆ng anih hơ met jĭ F0 tơ̆ hnam pơ gang Đa khoa tơ ring Ngọc Hồi, yoa ưh đei gre kơ na 6 ‘nu F0 năm jâng hŏh păng truh ƀât anih mă khul jang kơ pal chă ƀôh ‘nŏh đe sư tam mă tơ ƀâp bu. 

6 ‘nu F0 kơ dâu ôn đei chă ƀôh lơ̆m lô cao su păng đei chông mât tơ̆ anih hơ met jĭ bơih

Adrol kơ ‘nŏh dang 12 jơ ‘năr dơ̆ng 11/11 đei 6 ‘nu bơ ngai tơ pŏh pơ rang jĭ SARS-CoV-2 klĕnh đơ̆ng anih hơ met jĭ ăn F0 kơ Hnam pơ gang Đa khoa tơ ring Ngọc Hồi. 6 ‘nu F0 âu bơ ngai ‘lơ̆p hlŏh ‘nŏh 16 sơ năm, ‘lŏ hlŏh ‘nŏh 19 sơ năm tơ tă bơ ngai Bahnar ngăl oei tơ̆ xăh Ngọc Bay, plt Kon Tum. Lơ̆m nŏh bơ ngai năm hơ met jĭ tơ̆ hnam pơ gang hrôih hlŏh ‘nŏh lơ̆m ‘năr 28/10 păng ‘nao hlŏh lơ̆m ‘năr 6/11 âu ki.

Dơ̆ng: Tơ blơ̆