VOV4.Bahnar - Anih jang Jơ nŭm pơ gơ̆r kon pơ lei dêh char Kon Tum tơ băt, ‘măng hop akŏm mă mônh Jơ nŭm pơ gơ̆r kon pơ lei dêh char jăl 12 ( jăl jang 2021- 2026) tơ chĕng hơ drol pơ gơ̆r lơ̆m 2 năr ( đơ̆ng ‘năr 1-2/7/2021) tơ̆ Anih hop akŏm tơm Ngọc Linh, pơ lei tơm Kon Tum. Tơ̆ ‘măng hop akŏm gô pơ gơ̆r set hơ len rim hla ar tơ roi găh tơ drong jang rơ̆ih bơ ngai jang, 4 hla ar tơ roi chih ming tơ drong tơ chơ̆t yua đơ̆ng Khŭl chĕp kơ̆l Jơ nŭm pơ gơ̆r kon pơ lei dêh char tơ roi; hla ar tơ roi tơ băt đơ̆ng rim Khŭl Jơ nŭm pơ gơ̆r kon pơ lei dêh char. Anih vei lăng kon pơ lei dêh char gô pơ truh ăn Jơ nŭm vei lăng kon pơ lei dêh char 7 hla ar tơ roi tơ băt, nhen; Tơ roi tơ băt găh tơ drong jang kiơ̆ rim hơ năp jang mŭk drăm – tơ pôl, khŭl linh – vei sơ đơ̆ng 6 khei blŭng sơ năm păng trong jang, hơ năp jang 6 khei hơ tuch sơ năm; tơ roi tơ băt găh tơ drong jang kiơ̆ ‘mơ ‘met, tơ jră brăh brư 6 khei blŭng sơ năm; tơ roi tơ băt găh tơ drong jang kiơ̆ ‘mơ ‘met, tơ jră brăh brư 6 khei hơ tuch sơ năm păng trong vă jang, hơ năp jang 6 khei hơ tuch sơ năm;... Tơ chĕng hơ drol đei 12 hla ar chih tơ roi tơ drong tơ chơ̆t gô đei Anih vei lăng kon pơ lei dêh char pơ trŭh tơ̆ ‘măng hop akŏm ‘măng âu.

Thuem: Tơ blơ̆