VOV4.Bahnar - Tơ̆ hơ năp tơ drong krê hơ mơt đơ̆ng jĭ COVID-19 tơ̆ plt Hồ Chí Minh, dêh char Kon Tum tơ lĕch jang kiơ̆ lơ trong tang găn jĭ vă găn ưh ăn jĭ COVID-19 tơ pŏh truh. Đơ̆ng ‘năr 31/5, dêh char Kon Tum gơ̆t đĭ rim tơ drong jang ăn gre chơ tơ moi đơ̆ng dêh char năm tơ̆ plt Hồ Chí Minh (ưh jô̆ đei tơ drong kăl dêh).

Pơ tho ăn kon pơ lei chih tơ roi găh jơ hngâm jăn tơ̆ Anih hơ len năng jĭ Sao Mai tơ̆ trong gre 14, plt Kon Tum, dêh char Kon Tum.

Rim gre kơ dâu brih plt Hồ Chí Minh ưh gơ̆h dơ̆ng, sơng tơ moi, tơ jur tơ moi, et xa, pơ dơ̆h ngôi lơ̆m dêh char. Dôm tơ ring lơ̆m dêh char Kon Tum athei vei lăng ‘lơ̆ng dôm bơ ngai truh đơ̆ng plt Hồ Chí Minh oei xa, pơ dơ̆h, dăh mă ‘nao brŏk đơ̆ng ‘năr 18 - 29/5. Vă kơ chăng tang găn jĭ COVID-19 tơ pŏh truh păng lang xă lơ̆m dêh char, đơ̆ng 12 jơ kơ măng ‘năr 1/6, dêh char Kon Tum hơ nơ̆ng hơ tŏk đon kơ chăng tang găn jĭ COVID-19 lơ̆m dêh char, hăm đon kơ chăng dêh hlŏh.

Dơ̆ng: Tơ blơ̆