VOV4.Bahnar –Hăm tơdrong mă pơrang jĭ COVID-19 hơbuh hli, đơ̆ng năr (10/5), Anih vei lăng kon pơlei dêh char Kon Tum pơtơm ăn hŏk tro, sinh viên, bơngai hŏk pơdơh hŏk akŏm tơ̆ hnam trưng vă tang găn păng tơjră pơrang jĭ. Atŭm hăm tơdrong tơchơ̆t ăn hŏk tro, sinh viên, bơngai hŏk pơdơh hŏk akŏm tơ̆ hnam trưng, Anih vei lăng kon pơlei dêh char Kon Tum duh pơjao ăn Anih Pơtho Pơhrăm pơtho dôm hnam trưng pơtho hŏk trư̆k tuyê̆n păng hŏk kơdih tơ̆ hnam; pơthõ ơkơ̆t xơnăm hŏk 2020- 2021 trŏ ƀlep hăm pơrang jĭ hơbuh hli.

Pơgơ̆r pơtho hŏk pơlong tôt ngĭp hăm hŏk tro lăm 12 gơh tơnăp, vei xơđơ̆ng ăn tơdrong pơgơ̆r pơlong kiơ̆ tơdrong pơkăp đơ̆ng Anih tơm Pơtho Pơhrăm. Anih vei lăng kon pơlei dôm apŭng, plei tơm hơtŏk vei lăng kơjăp hŏk tro, sinh viên dôm jăl jang lơ̆m tơring, vei xơđơ̆ng vă tơlĕch pơlong tôt ngĭp THPT xơnăm 2021 kiơ̆ pơkăp; tơlĕch kơjăp dôm trong tang găn păng tơjră pơrang jĭ COVID-19 kiơ̆ tơchơ̆t atŭm.

Lan chih păng pơre nơ̆r