VOV4.Bahnar – Anih Pơtho Pơhrăm dêh char Kon Tum hlôi xơkơ̆t 'năr pơm lêh mơ̆t xơnăm hŏk 'nao 2021-2022 hăm hŏk tro dôm jăl ăh năr 5/9 păng 'năr đơ̆ng rŏng năr 6/9 pơtơm kơ 'năr hŏk mă blŭng. Vă vei xơđơ̆ng lơ̆m khei năr pơrang jĭ COVID-19 hơbuh hli păng đe hŏk tro tơ̆ tơring ataih yaih, tơring kon pơlei kon kông gơh đei măh tơmam drăm ăn xơnăm hŏk 'nao, Jơnŭm pơgơ̆r dôm hnam trưng hŏk tơ̆ Kon Tum tŏk bŏk keh đang tơdrong hơmet.

          Truh khei năr âu tôm hnam trưng tơ̆ tơring ataih yaih, tơring kon kông nhen Đăk Glei, Tu Mơ Rông, Kon Plông… kơ dêh char  Kon Tum hlôi keh đang tơdrong hơpuih rơgoh hnam trưng. Kơdră Hnam trưng Jăl kơđeh Nguyễn Văn Cừ, tơ̆x ăh tơnap tap Đăk Pxi, apŭng Đăk Hà ăn tơbăt, xơnăm hŏk 'nao âu hnam trưng đei 278 hŏk tro hăm hloh 90% noh kon hơ ioh bơngai Xơ đăng. Truh khei năr âu, tơdrong hơmet ăn 'năr pơtơm xơnăm hŏk 'nao kơ hnam trưng hlôi keh đang.

Lan chih păng pơre nơ̆r