VOV4.Bahnar - Hơnĭh tơm tơbăt kơtơ̆ng ang tĕh tơdrŏ păng tơbăt đakpŏh yă kơtang - Viện Vật lý Địa cầu (Viện Hàn lâm Khoa học păng Kmăi kmŏk Việt Nam) tơbăt, lơ̆m 3 jơ 18 pơnĭt pơgê năr 5/5, mĭnh ‘măng tĕh tơdrŏ tơ̆ tơring apŭng Kon Plông, dêh char Kon Tum. Jei kiơ̆ đơ̆ng hơnĭh au tơbăt, tơ̆ dêh char Kon Tum hơnơ̆ng đei tĕh tơdrŏ. Mă hơdăh lơ̆m năr 4/5, mĭnh ‘măng tĕh tơdrŏ kơtang mă 3 tơ̆ apŭng Kon Plông. Găh hơdrol kơ ‘nŏh lơ̆m năr 2/5, jei tơ̆ apŭng Kon Plông, dêh char Kon Tum hlôi đei 2 ‘măng tĕh tơdrŏ. Năr 1/5, đei 2 ‘măng tĕh tơdrŏ jei tơ̆ apŭng Kon Plông, dêh char Kon Tum mơ̆n. Lơ lŏh, lăp hơdrô̆ dôm năr blŭng khei 5 au, Kon Tum hlôi đei 6 ‘măng tĕh tơdrŏ. Dơnŏ anĭh tơbăt tĕh tơdrŏ păng tơbăt đak pŏh yă kơtang - Viện Vật lý Địa cầu oei hơnơ̆ng dăr lăng hơlen rim ‘măng tĕh tơdrŏ au.

Tơblơ̆ nơ̆r: Amazưt