VOV4.Bahnar - ‘Năr brei (10/9), dêh char Kon Tum pơgơ\r Hop ako\m pơlong jang băt ‘mêm kơ teh đak ‘măng mă 7.

            Vang năm hop ako\m đei Kdră kơ Jơnu\m pơgơ\r jang Trung ương, Anih tơm Nội vụ, Jơnu\m pơgơ\r jang Tây Nguyên atu\m hăm je# 450 ‘nu tang măt ăn bngai jang rơgei lơ\m tơdrong pơlong jang băt ‘mêm kơ teh đak tơ\ tơring. 5 xơnăm kơ âu, hăm tơdrong tơguăt băl, gơh rơgei, anih jang Đảng, Jơnu\m pơgơ\r tơring, Khul linh păng kon pơlei kon kông dêh char Kon Tum pơm kiơ\ tơdrong tơle\ch pơlong jang băt ‘mêm kơ teh đak đei pơih lang xă ja#p tơring hăm lơ tơdrong jang đei jơnei hơdăh nhen tơdrong jang: “Pơm jang te\ch pơdro rơgei”, “Pơm jang rơgei, kơche\ng hơ ‘nhă”, “Kon Tum atu\m jơhngơ\m pơjing tơring pơxe\l ‘nao”... Kiơ\ đơ\ng noh hlôi tơgop pơtoi vei xđơ\ng tơdrong ato\k mu\k drăm rim xơnăm kơ dêh char đei jơnei je# 14%, kjă tơmam drăm ato\k hloh 2 ‘măng pơtêng hăm blu\ng jăl jang; kxo# unh hnam hin dơnuh tơjur đơ\ng 33% oei pă 11,5%. Vang năm hop ako\m đơ\ng xăh ataih yaih Ngọc Wang, apu\ng Đak Hà, pơmai Y Bê, bngai Sêdang ăn tơbăt: “Năm hop ako\m pơlong jang băt ‘mêm kơ teh đak ‘măng mă âu inh chhôk jơhngơ\m dêh. Hop ako\m ‘măng mă âu noh đei lơ bngai jang rơgei, găh tơdrong pơtho hơvơn erih dơnưp lơ\m tơpôl tơnăp hăm tơdrong khop, bngai jang rơgei găh ato\k joh ayo\ tơpôl. Vih đơ\ng hop ako\m mă âu nhôn gô pơtoi hơvơn kon pơlei jang tơnăp trong pơkăp đơ\ng Đảng, teh đak duh nhen tơchơ\t đơ\ng tơring tơle\ch vă pơjing pơlei pơla roi năr roi ato\k tơ iung hloh”  

Lan chih păng rapor