VOV4.Bahnar – Mă tam đei bơngai ƀơm jĭ, mă lei hăm tơdrong hơbuh hli đơ̆ng pơrang jĭ COVID-19, 'năr brei (17/5), Kơdră Anih vei lăng kon pơlei dêh char Kon Tum hlôi tơchơ̆t tơbang athei kơchăng tang găn păng tơjră jĭ kơtang hloh pơtơm đơ̆ng tong anê̆ kơmăng năr 18/5.

Atŭm hăm noh pơkăl dôm anih jang kơpal dăh tenh kuăng tơlĕch pơm kiơ̆ tơnăp dôm trong tang găn păng tơjră pơrang jĭ, Anih vei lăng kon pơlei dêh char Kon Tum athei kon pơlei chô̆ che gom ƀŏ ƀơ̆t lĕch đơ̆ng hnam duh nhen năm truh tơring kơdrâ̆m bơngai păng pơm kiơ̆ kơjăp tơchơ̆t 5K găh tang găn păng tơjră pơrang jĭ đơ̆ng Anih tơm Y tê̆. Anih vei lăng kon pơlei dêh char Kon Tum duh pơkăl Anih vei lăng kon pơlei 10 apŭng, plei tơm kơ dêh char hơvơn tôm anih jang chĭnh trĭ, rim Khul jang tơpôl hơlen kơjăp tơring, unh hnam kon pơlei vă ƀôh băt tơtom dôm tơdrong đei tơrĕk hăm pơrang jĭ vă tơlĕch pơm kiơ̆ dôm trong jang tang găn păng tơjră pơrang jĭ tơtom.

Lan chih păng pơre nơ̆r