VOV4.Bahnar - Đơ\ng ro\ng kơ Anih tơm Choh jang xa păng Hơto\k tơring pơxe\l đei hla bar pơkăp kơxo# 7491 găh tơdrong klă jên hơpăh vei bri kiơ\ kơxơ\p chih pơkăp jên tơ\ anih mong jên dăh mă pơjao klă jên kiơ\ trong pơkăp đie#n tưh, năr 16/10/2018, Anih mong jên Vei hơlen păng Hơto\k bri dêh char Kon Tum hlôi tơgu\m ăn Anih vei lăng kon pơlei dêh char Kon Tum tơbang Hla bar pơkăp kơxo# 2887 găh tơdrong klă jên vei hơlen bri kiơ\ kơxơ\p chih pơkăp jên tơ\ anih mong jên dăh mă pơjao klă jên kiơ\ trong pơkăp đie#n tưh vă pơgơ\r rim tơm bri noh anih jang, Anih vei lăng kon pơlei rim xăh, th^ tra#n pơih kơxơ\p chih pơkăp jên ăn rim unh hnam, tơ ‘ngla bơngai jang, pơlei pơla io\k pơkăp vei hơlen bri.

Jang kiơ\ pơkăp klă jên vei hơlen cham char bri kiơ\ kơxơ\p chih pơkăp jên tơ\ anih mong jên dăh mă pơjao klă jên kiơ\ trong pơkăp đie#n tưh, ăh je# đ^ xơnăm 2018 tơpôl vang vei hơlen bri tơ\ pơlei Đăk Wăk, xăh Đăk Kroong, apu\ng Đăk Glei hlôi pơih kơxơ\p chih pơkăp jên tơ\ Anih mong jên Choh jang xa apu\ng. ‘Nguaih kơ noh, 4 unh hnam lơ\m pơlei io\k pơkăp vei lăng bri kiơ\ unh hnam tơ ‘ngla duh đei pơih kơxơ\p chih pơkăp jên tơ\ Anih mong jên Tơgu\m tơpôl apu\ng. {ok A Tùy ‘nao vang vei lăng 153ha bri tơpôl, io\k 22ha bri kơdih vei hơlen ăn tơbăt tơdrong pơih kơxơ\p chih pơkăp jên tơ\ anih mong jên vă io\k jên klă vei hơlen bri gơh hiôk hian hloh: “Kiơ\ kơdih inh noh pơih kơxơ\p chih pơkăp jên klă vei hơlen bri tơ\ Anih mong jên noh [ônh hiôk hloh ăn kon pơlei. Kơxo# jên đei tơmơ\t lơ\m kơxơ\p chih pơkăp jên đang kơ noh mih ma duch nă kơdih năm truh anih ATM vă io\k tơle\ch jên. Đang kơ noh mih ma năm truh tơ\ yơ đei ATM noh [ônh [o\ ăn mih ma duch nă chă io\k tơle\ch jên”.

  {ok Lê Tiến Trung, Pho\ Kơdră Anih jang hơlen ‘long bri apu\ng Đăk Glei xơkơ\t, tơdrong pơih kơxơ\p chih pơkăp jên klă vei hơlen bri tơ\ anih mong jên noh [ônh hiôk hloh: “Tơdrong pơih kơxơ\p chih pơkăp jên tơ\ Anih mong jên noh hla bar tenh bot. Tenh, hơdăh kơxo# jên mă kon pơlei đei xa yua păng Anih mong jên Vei hơlen păng Hơto\k bri klă ăn kon pơlei. Rim anih jang kơpal nhen Jơnu\m pơgơ\r klă jên tơ\ apu\ng duh nhen rim xăh duh ưh kăl năm klă kơtă ăn kon pơlei bơih. Duh da [iơ\ huach”.

Tơje# hăm tơdrong [ônh, tơpă ăn [ôh lơ\m tơdrong pơih kơxơ\p chih pơkăp jên păng klă jên vei hơlen bri kiơ\ kơxơ\p chih pơkăp jên ăn kon pơlei păng unh hnam tơ ‘ngla jang duh tơjra#m lơ tơnap tap tơhlăk tơhl^n. {ok Vũ Tuấn Hải, Pho\ Kơdră Anih vei hơlen ‘long bri apu\ng Kon Plông ăn tơbăt tơ\ tơring noh xă, kon pơlei ưh đei ho\k kơjung jing tơdrong pơm tơhlăk lơ\m tơdrong jang kiơ\ pơkăp âu: “Dang ei tơring ataih yaih đei minh [ar xăh Đăk Nên, Đăk Rin năm truh tơ\ âu pơhlom 70km. Mă năm truh tơ\ âu noh mih ma duch nă duh tam mă băt hơdăh kơmăi io\k tơle\ch jên noh thoi yơ. Duh athei đei tơdrong pơtho vă kon pơlei băt kloh kle\ch kơmăi io\k tơle\ch jên po”.

Hăm hơgăt bri đei xa jên hơpăh vei hơlen bri to\k truh 36.000ha, Anih jang găh ‘long bri Kon Plông jang kiơ\ pơkăp pơjao ăn 56 tơring kon pơlei, gru\p unh hnam lơ\m 5 xăh noh Đăk Long, Măng Cành, Đăk Tăng, Măng Bút, Đăk Ring păng minh [ar anih jang vei bri hăm hơgăt xă hloh 21.700ha. {ok Vũ Văn Bắc, Kơdră Anih jang ăn tơbăt dôm tơdrong tơnap tap đơ\ng tơdrong klă jên hơpăh vei bri kiơ\ kơxơ\p chih pơkăp jên tơ\ anih mong jên dăh mă klă jên kiơ\ trong pơkăp đie#n tưh tơ\ tơring: “ ‘Nâu jing tơdrong tơnap tap [ơ\t klă jên hơpăh vei bri ăn kon pơlei tơ\ thôn, [ok kơdră khul [ôh kơxo# jên lơ dêh hnang. Minh ‘măng io\k tơle\ch noh vih axong ăn kon pơlei đe xư hli đe xư hơvơ\l. Mă [ar noh mưh klă jên adro# ăn rim unh hnam noh đe xư ưh đei tơre\k hăm anih mong jên. Tơ\ âu adro# đei minh anih ATM kơ Anih mong jên choh jang xa yuơ noh tơnap tap hăm kon pơlei. Đe ye\t athei năm ataih truh 40, 50 kơxo# pơtơm gơh io\k tơle\ch jên noh jing minh tơdrong tôch kơ tơnap tap”.

Đơ\ng ro\ng chă hơ len năng tơ\ yăn âu mưh jang kiơ\ trong kla jên vei lăng cham char bri brăh kiơ\ tài khoản ngân hàng dăh mă kla hăm kơ măy điên tư tơ\ 1,2 an^h vei lăng te\h đak, an^h tơ ‘ngla bri lơ\m dêh char, nhôn tơ ge\ch pơ ma nuh hăm [ok Hồ Thanh Hoàng, Kơ dră An^h mong jên vei lăng păng ato\k tơ iung bri dêh char Kon Tum vă băt hơ dăh [iơ\ dôm tơ drong hiôk hian, mơ mat tat, tơ hlăk tăk păng trong jang đei tơ le\ch vă jang ‘lơ\ng tơ drong ‘nâu.

-{ok ăi, bơ\ jang kiơ\ trong kla jên vei lăng cham char bri brăh kiơ\ tài khoản ngân hang, kla kiơ\ kơ măy điên tư, truh dang ei An^h mong jên vei lăng păng ato\k tơ iung bri dêh char Kon Tum hlôi tơ le\ch jang tơ drong ‘nâu thoi yơ?

-Tơl: Tơ drong kla jên vei lăng cham char bri brăh ăn dôm tơ ‘ngla bri ‘no\h j^ khul gru\p, Dơ no\ an^h vei lăng kon pơ lei dôm xăh, th^ trơ\n hlôi đei An^h mong jên vei lăng păng ato\k tơ iung bri dêh char Kon Tum kla kiơ\ tài khoản ngân hàng đơ\ng sơ năm 2012 truh dang ei.

Hăm dôm unh hnam, rim bơ ngai, khul tơ pôl kon pơ lei ‘no\h jang kiơ\ Hla ar kơ so# 7491 ‘năr 26/9/2018 đơ\ng An^h tơm vei lăng choh jang xa păng ato\k tơ iung tơ ring tơ rang găh tơ drong kla jên vei lăng cham char bri brăh kiơ\ tài khoản ngân hàng, dăh mă kla kiơ\ kơ măy điên tư. An^h mong jên vei lăng păng atk tơ iung bri dêh char Kon Tum roi tơ [ôh ăn Dơ no\ an^h vei lăng kon pơ lei dêh char Kon Tum tơ le\ch hla ar chih kơ so# 2887 ‘năr 16/10/2018 găh tơ drong kla jên vei lăng cham char bri brăh kiơ\ tài khoản ngân hàng dăh mă kla kiơ\ kơ măy điên tư vă pơ tho ăn dôm tơ ‘ngla bri ‘no\h j^ khul gru\p, Dơ no\ an^h vei lăng kon pơ lei dôm xăh, th^ trơ\n pơih tài khoản ăn dôm unh hnam, rim bơ ngai, khul tơ pôl kon pơ lei io\k vei lăng bri. Atu\m hăm ‘no\h An^h mong jên vei lăng păng ato\k tơ iung bri dêh char Kon Tum tơ le\ch hla ar chih kơ so# 238 ‘năr 29/10/2018 găh tơ drong kla jên vei lăng cham char bri brăh kiơ\ tài khoản ngân hàng dăh mă kla kiơ\ kơ măy điên tư vă pơ tho ăn dôm tơ ‘ngla bri ‘no\h j^ an^h jang kơ te\h đak, Dơ no\ an^h vei lăng kon pơ lei dôm xăh th^ trơ\n io\k vei lăng bri pơih tài khoản ngân hàng ăn dôm unh hnam, rim bơ ngai, tơ pôl kon pơ lei, khul gru\p bơ\ jang.

Lơ\m sơ năm 2018, An^h mong jên vei lăng păng ato\k tơ iung bri dêh char Kon Tum hlôi jang hơ doi hăm An^h mong jên Bưu điện Liên Việt tơ\ dêh char Kon Tum păng An^h mong jên cho\h jang xa păng ato\k tơ iung tơ ring tơ rang tơ\ apu\ng Đăk Glei pơih tài khoản ăn 2.107 unh hnam, lơ bơ ngai, tơ pôl kon pơ lei đei te\h đak pơ jao te\h, pơ jao bri vă vei lăng tơ\ 3 apu\ng: Đăk Hà, Kon Braih, Đăk Glei păng pơ gơ\r kla jên vei lăng cham char bri brăh sơ năm 2018 kiơ\ tài khoản ngân hàng ăn 07 tơ pôl kon pơ lei tơ\ dôm xăh Đăk Long, Đăk Kroong găh apu\ng Đăk Glei.

-Kiơ\ nơ\r tơ roi đơ\ng dôm an^h jang tơ ‘ngla bri lơ\m dêh char, hơ dai hăm tơ drong hiôk hian, mưh kla jên vei lăng cham char bri brăh kiơ\ tài khoản ngân hàng, kla kiơ\ kơ măy điên tư oei tơ [âp lơ mơ mat tat ‘năi. Dôm tơ drong mơ mat âu kiơ\ ih ‘no\h yă kiơ?

-Tơl: Kon Tum j^ m^nh dêh char tơ nuh, dôm unh hnam, bơ ngai jang đei te\h đak pơ jao te\h, pơ jao bri vă vei lăng mă lơ ‘no\h j^ bơ ngai kon kông ho\k ưh kơ jru\, tơ tă oei xa lơ\m bri, je# bri, tơ ring hơ tăih hơ to\, trong nơ năm mơ mat tat, jo# păh lăp pơ lei pơ la hơ tăih kơ tơ ring kơ drâm apu\ng dang 40km, tơ drong ‘nâu pơm ưh ‘lơ\ng truh tơ drong kla jên vei lăng bri kiơ\ tài khoản ngân hàng.

Băt hơ dăh tơ drong kla jên vei lăng bri kiơ\ tài khoản ngân hàng oei tơ [âp lơ mơ mat tat, nhen tơ drong juăt yoa jên măt đ^ đei kơ jăp lơ\m đon tơ che\ng kơ lơ kon pơ lei, ho\k ưh kơ jru\, [ât lăp oei đei bơ ngai ưh kơ băt chư hloi.

Mưh pơih tài khoản, lơ hla ar chih kơ kon pơ lei, mă hơ dăh ‘no\h j^ hla ar kăn kươ\k kon pơ lei đ^ khei ‘năr yoa ngăl bơih, [ât lăp ‘no\h hiăh mă ưh ‘no\h hiong. Hơ năn lơ\m hla ar kăn kươk ưh đei lei lăi hăm hơ năn lơ\m hla ar te\h… jing pơm mơ mat tat ăn tơ drong pơm hla ar pơih tài khoản.

An^h mong jên vei lăng păng ato\k tơ iung bri dêh char păng dôm an^h jang, tơ ring tơ rang hlôi pơ gơ\r hôp, roi tơ băt ăn dôm unh hnam, rim bơ ngai, tơ pôl kon pơ lei găh tơ drong kla jên vei lăng cham char bri brăh, jên io\k vei lăng bri kiơ\ tài khoản ngân hàng. Mă lei yoa oei lơ mơ mat tat nhen: dôm xăh hơ tăih kơ an^h mong jên, mơ mat tat mưh truh toh jên hăm kơ măy ATM; dôm bơ ngai lơ\m hnam, gru\p unh hnam, tơ pôl ưh băt trong vei, hơ len năng jên kla kiơ\ đơt; m^nh kơ so# tơ ring đon hlôh vao đơ\ng kon pơ lei oei ưh kơ jru\ kơ na ưh đei che\p ba hla ar kăn kươk năm năm pơih tài khoản mă athei iok jên măt nhen dôm sơ năm adrol ki.

Yoa thoi noh, ‘ngoăih kơ An^h mong jên vei lăng păng ato\k tơ iung bri dêh char păng m^nh [ar an^h jang tơ ‘ngla bri hlôi pơm kiơ\, oei đei lơ tơ ring, an^h jang tơ [âp tơ hlăk tăk, mơ mat tat kơ na tam mă jang kiơ\ trong kla jên vei lăng cham char bri brăh kiơ\ tài khoản ngân hàng.

- Kiơ\ ih, dôm an^h jang, tơ ngla bri ku\m nhen An^h mong jên vei lăng păng ato\k tơ iung bri dêh char Kon Tum athei đei trong jang yơ vă bơ\ jang ’lơ\ng tơ drong kla jên vei lăng bri kiơ\ tài khoản ngân hàng, kla kiơ\ kơ măy điên tư hă? 

-Tơl: Vă pơm ‘lơ\ng ăn tơ drong kla jên vei lăng cham char bri brăh kiơ\ tài khoản ngân hàng ăn đ^ đăng tơ ‘ngla bri ‘no\h j^ unh hnam, dôm bơ ngai, khul tơ pôl kon pơ lei păng dôm bơ ngai io\k vei lăng bri, tơ\ hơ năp kơnh, An^h mong jên vei lăng păng ato\k tơ iung bri dêh char Kon Tum vă tơ le\ch trong jang thoi âu:

Pơ gơ\r pơ tâp pơ hrăm, roi tơ băt tơ drong kla jên mưh io\k yoa cham char bri brăh hơ dai hăm pơih tài khoản ăn dôm unh hnam, bơ ngai jang, tơ pôl kon pơ lei tơ\ dôm tơ ring găh tơ ring pơ truh cham char bri brăh tơ\ dêh char Kon Tum.

Roi tơ [ôh ăn Dơ no\ an^h vei lăng kon pơ lei dêh char set hơ len, pơ tho ăn dôm tơ ‘ngla bri ‘no\h j^ an^h jang pơih tài khoản ngân hàng ăn đ^ đăng unh hnam, rim bơ ngai, khul tơ pôl kon pơ lei io\k vei lăng bri.

Athei Dơ no\ an^h vei lăng kon pơ lei dôm xăh, th^ trơ\n tơ gu\m hơ len năng hla ar kăn kươk kon pơ lei, hla ar te\h ăn dôm unh hnam, rim bơ ngai, tơ pôl kon pơ lei đei te\h đak pơ jao te\h, pơ jao bri vă pơm hla ar pơih tài khoản ngân hàng io\k jên vei lăng bri.

Hăm dôm tơ ring hơ tăih kơ apu\ng, athei dôm tơ ‘ngla bri ‘no\h khul gru\p, Dơ no\ an^h vei lăng kon pơ lei dôm xăh, th^ trơ\n io\k vei lăng bri jang hơ doi hăm Ngân hàng pơ gơ\r kla jên ăn kon pơ lei mă ưh ‘no\h kla kiơ\ kơ măy điên tư nai.

- Ih tơ roi mă hơ dăh dôm tơ drong mă An^h mong jên vei lăng păng ato\k tơ iung bri dêh char Kon Tum tơ le\ch mưh bơ\ jang kiơ\ trong kla jên vei lăng cham char bri brăh kiơ\ tài khoản ngân hàng, kla kiơ\ kơ măy điên tư lăng?

-Tơl: Tơ drong tơm mă An^h mong jên vei lăng păng ato\k tơ iung bri dêh char Kon Tum tơ le\ch mưh bơ\ jang kiơ\ trong kla jên vei lăng bri kiơ\ tài khoản ngân hàng, kla kiơ\ kơ măy điên tư ’no\h vă kla tôm hrơ\ch đ^ đăng jên vei lăng bri kiơ\ tài khoản ngân hàng mă ưh ‘no\h kla kiơ\ kơ măy đieen tư nai. Mă hơ dăh:

Lơ\m sơ năm 2019 âu, An^h mong jên vei lăng păng ato\k tơ iung bri dêh char Kon Tum hơ nơ\ng tơ le\ch trong jang pơih tài khoản ngân hàng ăn dôm unh hnam, rim bơ ngai, tơ pôl kon pơ lei tơ\ dôm apu\ng oei đei dơ\ng ‘no\h: Sa Thầy, Kon Plông, Tu Mrông, Ngọc Hồi păng plt Kon Tum.

Hơ nơ\ng tơ le\ch nơ\r athei, pơ tho tơ [ôh ăn dôm tơ ‘ngla bri ‘no\h j^ khul gru\p, Dơ no\ an^h vei lăng kon pơ eli dôm xăh, th^ trơ\n io\k vei lăng bri jăh jang kiơ\ trong kla jên vei bri kiơ\ tài khoản ngân hàng mă ưh ‘no\h kla kiơ\ kơ măy điên tư nai ăn dôm unh hnam, rim bơ ngai, tơ pôl kon pơ lei, khul gru\p io\k vei lăng bri.

-Lei a, bơ nê kơ ih [ok Hồ Thanh Hoàng, Kơ dră An^h mong jên vei lăng păng ato\k tơ iung bri dêh char Kon Tum ‘măn jơ vang pơ ma nuh hơ! 

Lan hăm Dơ\ng: Tơ blơ\