VOV4.Bahnar - Tơ\ tơ ring Tây Nguyên năr Tết ku\m jing khei ‘năr pơ tơm yak mơ\t lơ\m khei ‘năr kăl kơ pơ yan to\, lăp kăl 1rơ nok u\nh ie\ ku\m gơ\h pơm ăn u\nh sa bri. Tơ\ hơ năp tơ drong kơ pal kơ tă lơ\m dôm năr Têt rim an^h jang tơ ‘ngla bri păng kon pơ lei hơ vơn tôch ai khu\l linh răp jang hơ nơ\ng vă tnag găn u\nh sa bri.

Tơ\ hơ la to\ hang tôch kơ de#h, je# 1 trong ie\ mơ\t tơ\ dôm tơ [ôt bri kơ tiểu khu 279, xăh Đăk Rơ Nga, apu\ng Đăk Tô, 2 ‘nu ‘nho\ng A Sướt, A Cường song băl [e\ng chư\ng che\p ba. ‘Nho\ng A Cường tơ băt, kon pơ lei plei Đăk Kon io\k vei lăng 270hek tar đơ\ng Ko\ng ti jang găh bri ‘long Đăk Tô vă sa jên io\k yua cham char bri. Pơ yan to\ sơ năm hơ yơ ku\m thoi no\h, mă loi ‘no\h j^ năr hơ drol, lơ\m păng đơ\ng Tết Nguyên đán, kon pơ lei rơ\ih ăn dôm j^t ‘nu bơ ngai răp gak tang găn p^t u\nh sa bri măng năr hloi:

            “Tết jang măng năr hloi, g^t kăl ‘no\h j^ vei lăng nri hli kơ u\nh sa. Têt jang, ư\h kơ têt ku\m athei jang, jang đ^ pơ yan to\ hli kơ u\nh sa. Rim năr nhôn athei hơ nơ\ng năm dăr joang. Pơ đ^ pơ lei jang đ^, tơ pl^h băl jang.”

Dăr joang răp găn u\nh bri lơ\m dôm năr Tết tơ\ Tiểu khu 279 xăh Đăk Rơ Nga, apu\ng Đăk Tô

Tết âu lơ\m dôm tơ [ôt bri kơ de#h char Kon Tum, rơ bâu kang [o#, bơ ngai jang rim an^h jang tơ ‘ngla bri păng kon pơ lei oei to\k bo\k no\ng kơ jang, dăr joang răp gak u\nh sa bri. Đei băt hơ dăh ‘no\h j^ 1 hơ n^h [ônh kơ đei [o#h u\nh sa bri kơ de#h char Kon Tum, năr Têt sơ năm ‘nâu An^h vei lăng pơ gar ‘long te\h đak Chư Mom Ray pơ vei 14 An^h jang, 20 an^h răp găn vă tang găn u\nh sa ăn kơ hlo\h 56.200hek tar bri kơ an^h jang. {ok Đào Xuân Thủy, Kơ dră vei lăng An^h jang vei lăng pơ gar ‘long te\h đak Chư Mom Ray, tơ băt tơ drong jang tang găn u\nh sa p^t u\nh sa đơ\ng an^h jang đei jang kiơ\ trong jang tơm 4 kơ tă an^h păng mă loi ‘no\h j^ hơ to\k ‘lơ\ng đon kơ chăng hăm u\nh bri lơ\m dôm năr Tết:

            “Nhôn ako\m ăn tơ drong jang dăr joang, hơ len lăng tơ\ dôm tơ ring tơm đei hơ mơt kơ u\nh sa lơ. Pơ gơ\r dôm an^h găn hloi tơ\ dôm tơ ring đei lơ mir ro\h păng mă 2 ‘no\h j^ tơ\ dôm jăl trong. ‘Nho\ng o\h athei hơ drin hơ met ‘lơ\ng klăih song băl khu\l jang vă dăr hơ len jơ\p tơ ring vă tơ tom vei lăng ku\m nhen tơ tă ăn dôm bơ ngai năm kle\ch ku\m nhen mơ\t lơ\m bri đơ\ng an^h jang vă kơ tơ roi tơ băt tơ tă ăn kon pơ lei. Mư\h đei tơ drong ‘no\h gô hơ vơn rim khu\l linh [ơm tru\h lơ\m tơ ring vă kơ tơ tom tơ jră.”

Vei lăng trong găn u\nh tơ\ xăh Đăk Kôi, apu\ng Kon Rẫy

Ku\m hăm rim trong jang, nhen hơ met ming, pơm ‘nao dôm j^t km trong ver, trong găn u\nh; ăn bơ ngai jang prăt năr prăt măng tơ\ dôm tơ ring tơm [ônh kơ đei [o#h u\nh sa bri; hơ met tôm găh bơ ngai jang, gre, tơ mam mư\h đei [o#h u\nh sa...kơ tă lơ\m dôm năr Têt hloi, rim an^h jang tơ ‘ngla bri tơ\ Kon Tum ku\m ăn bơ ngai năm tru\h tơ\ pơ lei hmach Tết hai, băt hơ dăh trong tơ le\ch jang hơ met mir ro\h so\h ‘nhe\t đơ\ng rim u\nh hnam vă đei trong jang răp gak u\nh sa mơ mrok lơ\m bri. {ok Lê Viết Bẩy, Kơ dră Ko\ng ti jang găh bri ‘long Kon Rẫy, tơ băt:

            “Tơ ring mă đei kon pơ lei cho\h jang mir ro\h Ko\ng ti hlôi jang hơ dai hăm khu\l kơ dră tơ ring tơ roi tơ băt, krao hơ vơn kon pơ lei lơ\m kơ plăh jang mir ro\h ư\h kơ pơm [ơm ư\h kơ ‘lơ\ng tru\h tơ drong jang tang găn u\nh sa p^t u\nh sa. Hăm rim u\nh hnam jang mir ro\h ‘no\h athei ch^h măt găh jơ ‘năr so\h vă kơ hơ dai hăm khu\l joăt jang vei lăng bri kơ Ko\ng ti păng rim khu\l linh jang hơ dai nai năm hăm u\nh hnam vă so\h ‘nhe\t vă vei sơ đơ\ng lơ\m tơ drong jang tang găn u\nh sa p^t u\nh sa bri.”

             Tơ\ hơ la to\ hang đơ\ng pơ yan to\ Tây Nguyên, lơ\m dôm năr Tết Nguyên đán Tân Sửu âu ki, đei lơ bơ ngai vei bri tơ\ de#h char Kon Tum hơ drin jang răp gak u\nh vă vei lăng kơ mâu jơk đơ\ng bri. Tơ drong chơt hơ iă Tết t^h hlo\h đơ\ng đe sư ‘no\h j^ tang găn đei u\nh, vei lăng đei bri tơ\ hơ năp pơ yan to\ tôch kơ tang.

Khoa Điềm: Ch^h

Thuem: Tơ blơ\