VOV4.Bahnar – Vă hơtŏk pơ ‘lơ̆ng tơdrong jang tang găn păng tơjră pơrang jĭ COVID-19, Anih vei lăng kon pơlei dêh char Kon Tum hlôi tơchơ̆t keh kong, pơih dơ̆ng 6 Anih hơlen pơrang jĭ lơ̆m tơring kơ dêh char, lơ̆m noh pơjao ăn Kơdră Anih vei lăng kon pơlei apŭng, plei tơm pơm Kơdră anih hơlen.

Kiơ̆ Tơchơ̆t đơ̆ng Kơdră Anih vei lăng kon pơlei dêh char Kon Tum, đei 6 Anih hơlen pơrang jĭ COVID-19 lơ̆m dêh char đei keh đang vă hơtŏk pơ ‘lơ̆ng tơdrong tang găn păng tơjră pơrang jĭ. 6 anih hơlen đei axong lơ̆m dôm jăl trong kăp gĭt kơ dêh char, nhen Jăl trong 14 – jăl trong Hồ Chí Minh – jăl trong ‘măng xơlam găh Tu păng Pơbăh dêh char Kon Tum; anih hơnglăh trong Đông Trường Sơn păng Jăl trong 24 – tơkuh hăm dêh char Quảng Ngãi; gơng Sê San 4, tơ̆ jăl trong 14C, păng jăl trong 40B tơ̆ anih tơkuh đơ̆ng apŭng Nam Trà My, dêh char Quảng Nam hăm xăh Ngọc Lây, apŭng Tu Mơ Rông.

Lan chih păng pơre nơ̆r