VOV4.Bahnar - Sơng kơ kuh Năr Thây kô Việt Nam 20/11, pơ gê (16/11), tơ̆ plt Kon Tum, Anih vei lăng pơ tho pơ hrăm dêh char Kon Tum pơ gơ̆r pơm lêh hơ păh hơ năn “Thây kô rơ gei” ăn 2 ‘nu thây kô păng pôk pơ ư dôm bơ ngai jang rơ gei nai.

Khul bơ ngai jang rơ gei, sơng iŏk Hla kơ pơ jei băl đơ̆ng Khul kơ dră tĕh đak pôk hơ păh

Ƀar ‘nu thây kô tơ̆ dêh char Kon Tum chơt hơ iă đei Kơ dră tĕh đak pôk ăn hơ năn kăp gĭt “Thây kô rơ gei” mă âu ‘nŏh jĭ kô Nguyễn Thị Hoàn, Phŏ hiê̆u trưng Hnam trưng THCS Chu Văn An păng thây Nguyễn Xuân, sơ̆ pơm Phŏ hiê̆u trơng Hnam trưng THPT Ngô Mây, plt Kon Tum.

Lơ̆m jơ pơm lêh, dôm bơ ngai tang măt kŭm hăm hlŏh 100 ‘nu thây kô dơ̆ng tang ăn hlŏh 11 rơ bâu ‘nu kăn ƀô̆ vei lăng, thây kô… bơ̆ jang tơ̆ anih pơ tho pơ hrăm dêh char Kon Tum đei pôk pơ ư đei lơ tơ drong plang ‘lơ̆ng ăn tơ drong pơ tho pơ hrăm, mă loi lơ̆m khei ‘năr jĭ COVID-19 oei tôch hơ mơt hrei ‘nâu.

Dơ̆ng: Tơ blơ̆