VOV4.Bahnar - Kơ sơ\ brei, 22/7, tơ\ pơ lei tơm Kon Tum, Khu\l pơ gơ\r pơ long ch^h “ Chă hơ len lăng Khôi luơ\t tơm te\h đak Cộng hoà xã hội chủ nghĩa Việt Nam” de#h char Kon Tum pơ gơ\r pơm le#h pơ tôch păng pơ jao tơ mam pôk hơ păh ‘măng pơ long. 

‘Măng pơ long ch^h “ Chă hơ len lăng Khôi luơ\t tơm te\h đak Cộng hoà xã hội chủ nghĩa Việt Nam” yua đơ\ng An^h jang vei lăng kon pơ lei de#h char Kon Tum pơ gơ\r ‘no\h j^ ‘măng ho\k pơ hrăm ch^nh tr^ ‘lơ\ng g^t kăl, ‘no\h j^ sơ nong jang tơm lơ\m tơ drong jang tơ roi tơ băt, pơ tho khôi luơ\t te\h đak đơ\ng tơ ring sơ năm 2014 păng 2015. Đơ\ng ro\ng 7 khei tơ le\ch jang, Khu\l pơ gơ\r pơ long hlôi io\k đei hlo\h 19.500 [ai vang pơ long đơ\ng rim răih kon pơ lei to\k bo\k ar^h sa, ho\k pơ hrăm păng bơ\ jang tơ\ de#h char. Khu\l pơ gơ\r ‘măng pơ long hlôi tơ chơ\t pơ jao 30 jơ nei ăn kơ rim khu\l gru\p tơ pôl păng kơ d^h. Lơ\m no\h, jơ nei mă 1 đei pơ jao ăn kơ [ok Văn Công Học, an^h bơ\ jang tơ\ Bảo hiểm tơ pôl pơ lei tơm Kon Tum. Jơ nei mă 1 khu\l gru\p tơ pôl đei pơ jao ăn kơ An^h jang vei lăng kon pơ lei apu\ng Đak Hà.

Thuem tơ blơ\