VOV4.Bahnar - Bơ̆ jang kiơ̆ tơ drong tơ chơ̆t đơ̆ng Hop akŏm Đảng ƀô̆ dêh char Kon Tum ‘măng mă XVI găh tơ drong pơ tăm 15.000ha ‘long bri, dang ei dôm apŭng, plt kơ dêh char Kon Tum pơ tơm pơ gơ̆r pơ tăm ‘long bri tơ̆ lơ tơ ring.

Kon Tum pơ tơm pơ gơ̆r pơ tăm ‘long bri tơ̆ lơ tơ ring

Vă tơ drong pơ tăm ‘long bri đei yoa ‘lơ̆ng, ‘long chăt arih lơ, khul kơ dră pơ gơ̆r păng anih vei lăng choh jang xa tơ̆ tơ ring kơ chăng hơ met pơ ‘lơ̆ng tơ đăh ‘long kŭm nhen tĕh vă pơ tăm ‘long bri.

Vang pơ tăm bri dôm khul grŭp, rim bơ ngai păng tơ pôl đei khul kơ dră pơ gơ̆r păng anih vei lăng choh jang xa tơ̆ tơ ring tơ gŭm tơ đăh, pơ gang sơ drông kŭm hăm jên vă chă bơ ngai jang. Tơ drong tơm đei tơ lĕch đơ̆ng dêh char Kon Tum lơ̆m sơ năm ‘nâu ‘nŏh pơ tăm đei 3.000ha ‘long bri, mă lei mă tơ pă ăn ƀôh lơ tơ ring gô pơ tăm lơ hlŏh kơ sô̆ hơ găt đei pơ jao.

Dơ̆ng: Tơ blơ̆