VOV4.Bahnar  – Hăm tơdrong hơbuh hli đơ̆ng pơrang jĭ COVID-19 tơ̆ plei tơm Đà Nẵng, đơ̆ng năr 21/6, Anih vei lăng Tơdrong chơ tơmam drăm trong nơnăm dêh char Kon Tum pơdơh tơdrong chơ tơmoi năm truh tơring âu. 'Nguaih kơ tơdrong chơ tơmoi kiơ̆ jăl trong pơkăp, gre hơp đŏng, gre taxi, gre chă tơmang pơhiơ̆, đei găn plei tơm Đà Nẵng noh ưh gơh pơdơh jơ̆ng, dăh mă xơng tơmoi lơ̆m tơring dêh char Kon Tum.  Hăm dôm bơngai mă năm dăh mă truh đơ̆ng plei tơm Đà Nẵng, kơyuơ tơdrong jang nhen chơ bơngai jĭ, bơngai đĭ khei năr pơkăp oei tơklăh, gre chơ tơmam ăn tơdrong jang tang găn păng tơjră pơrang jĭ păng dôm tơdrong kăl nai đei tơdrong axong đơ̆ng anih jang kơpal. Anih vei lăng Tơdrong chơ tơmam drăm trong nơnăm dêh char Kon Tum pơjao ăn Anih jang hơlen pơtoi jang atŭm hăm dôm anih jang kơpal vă hơtŏk tơroi tơbăt, hơlen kơjăp tơdrong pơm kiơ̆ pơkăp tang găn păng tơjră pơrang jĭ lơ̆m gre nơnăm vih vơ̆t.

Lan chih păng pơre nơ̆r