VOV4.Bahnar -   Pơgê năr 2/6, tơ̆ pơxat ƀlŏk tơbăt kơ linh lôch tang apŭng xơlam teh Ngọc Hồi, hăm tơdrong kŭp yom, Anih jang Kơpal dêh char, Hô̆i đŏng kon pơlei, Anih vei lăng kon pơlei, Anih Măt trâ̆n tôh kuôk Việt Nam dêh char Kon Tum pơm lêh pơdong grong ƀŭ 9 kơting linh păng bơngai juăt jang Việt Nam lôch tang lơ̆m dôm tơdrong tơblăh đei Đô̆i K53 xir akŏm tơ̆ 3 dêh char găh pơbăh teh đak Lào lơ̆m pơyan phang âu ki.

Vă tang găn pơrang jĭ COVID- 19, lêh pơdong grong ƀŭ linh lôch tang đei dêh char Kon Tum pơgơ̆r bot, ƀônh đĕch hăm pơkăp kơsô̆ bơngai năm akŏm păng pơm kiơ̆ tơnăp pơkăp tang găn pơrang jĭ.

Lơ̆m 9 kơting linh lôch tang đei ƀŭ tơ̆ Pơxat ƀlŏk tơbăt apŭng Ngọc Hồi, dêh char Kon Tum, đei 1 kơting linh lôch tang đei xir akŏm tơ̆ dêh char Chămpasắc; 6 kơting linh đei xir akŏm tơ̆ dêh char SêKông păng 2 kơting đei xir akŏm tơ̆ dêh char Attapư.

Lan chih păng pơre nơ̆r