Lơ\m 3 măr, đơ\ng năr 19 tru\h năr 21/5, Dơno\ an^h Đảng apu\ng Ia H’Drai, dêh char Kon Tum pơgơ\r blu\ng a Pơm le#h hop ako\m Kơdră tang măt ‘măng mă 17, jăl jang 2020- 2025. Vang năm hop ako\m đei 200 ‘nu kơdră tang măt ăn hlo\h 500 ‘nu bơngai jang đảng kơ apu\ng. Ia H’Drai ‘no\h apu\ng blu\ng a đei Dơbo\ an^h Đảng dêh char Kon Tum rơ\ih ăn pơgơ\r blu\ng a vă hơlen, hơmet pơ ‘lơ\ng ăn pơm le#h hop ako\m Đảng apu\ng.

Jăl jang au ki jei jing đơ\ng ro\ng 5 sơnăm pơjing apu\ng, kiơ\ yok rok jơ\ng jơhngơ\m đon tơgoăt tơgoăl, Dơno\ an^h Đảng, Kơdră che\p pơgơ\r, [o# đo#i ko\ng ang păng kon pơlei apu\ng Ia H’Drai, dêh char Kon Tum hlôi yak hlo\h tơdrong tơnap tap, tơdrong long, io\k đei jơnei ‘lơ\ng lơ\m lơ tơdrong.

Kơdră tang măt vang năm Pơm le#h hop ako\m

Mă kăl đơ\ng 3 chi bộ hăm 65 ‘nu đảng viên, tru\h dang ei Đảng bộ apu\ng Ia H’Drai hlôi đei 23 khu\l đảng tơring hăm hlo\h 500 ‘nu bơngai đảng viên păng apu\ng pă đei pơlei ayơ khan tim mă đei khu\l đảng. Găh tơdrong ato\k tơ iung mu\k drăm, apu\ng hlôi pơtăm đei ‘long ksu ‘moi kiơ\ tơring sơlam hăm te\h đak boăl Campuchia hăm hlo\h 24.000ha; hnam kmăi kmo\k pơm tơle\ch u\nh hơyu\h, hnam kmăi pơm tơle\ch tơmam drăm ato\k tơ iung; m^nh sơnăm apu\ng tơ jur đei đơ\ng 5 tru\h 6% u\nh hnam dơnuh. Lơ\m tơdrong jang vei lăng sơđơ\ng te\h đak, pơlei pơla đei iung jang kơtang; tơdrong jang pơgang, pơtho pơhra\m, jang sa tơpôl io\k đei jơnei hơ iă.

Vang năm Hop ako\m, đei [o#h bơ\ jang hơmet hơdrol ‘lơ\ng hơ iă, [lep tơchơ\t; bơngai tang măt chă pơma dơnu\h tơgop nơ\r tơpăt ‘lơ\ng, kơdră tang măt Rô Man Duyên, Kơ ie\ng Kơdră che\p pơgơ\r Dơno\ an^h Măt trân Tổ quốc Việt Nam apu\ng Ia H’Drai pơma tơba\t jơhngơ\m chơt hơ iă păng hơmo\ kơtang lơ\m bơ\ jang pơ pro\ kơdră che\p pơgơ\r kơ Pơm le#h hop ako\m: “Jơhngơ\m đon hơme\ng đơ\ng kơ d^h bơngai tang măt pôk rơ\ih khu\l kơdră che\p pơgơ\r ‘nao, jăl jang 2020- 2025 đei jơhngơ\m đon gơ\h hơgei, pran kơtang [lep hăm tơdrong vă che\p pơgơ\r lơ\m chăl hrei au tơgop jang kiơ\ jơnei Tơdrong tơchơ\t đơ\ng Dơno\ an^h Đảng apu\ng jăl 17, jăl jang 2020- 2025. Tơ iung pơjing apu\ng ato\k tơ iung te\nh koăng păng kơ jăp ‘lơ\ng”.

Tăh hla pôk tơmơ\t Khu\l kơdră che\p pơgơ\r Dơno\ an^h đảng apu\ng chăm ‘nao

Hăm jơhngơ\m đon “Tơgoăt tơgoăl-Hơto\ hơnơ\ng-Tơnăp-hơbe\ch hơbal-Ato\k tơ iung”, Pơm le#h hop ako\m Kơdră tang măt Đảng apu\ng Ia H’Drai ‘măng mă 17, jăl jang 2020- 2025 hlôi pôk tơmơ\t Khu\l kơdră che\p pơgơ\r ‘nao đei 29 ‘nu; pôk rơ\ih Kơdră tang măt vang năm Pơm le#h hop ako\m kơpal đei 11 ‘nu. {ok Nguyễn Hữu Thạch đei Pơm le#h hop ako\m pôk tơmơ\t dơ\ng jang kơchư\k Bí thu Đảng apu\ng. Hop ako\m hlôi pơdrơ\ng kiơ\ Tơdrong tơchơ\t tơle\ch 20 tơdrong jang tơm tru\h sơnăm 2025. Lơ\m au hơdrin iung jang lơ\m 5 sơnăm kơnh ako\p kơ jă tơmam drăm jang sa io\k đei 3.540 ti hlak jên; u\nh hnam dơnu\h pă hơla kơ 10%; lơ\m jăl jang au tơmơ\t đei 200 ‘nu bơngai ‘nao mơ\t đảng … Găh trong jang t^h kơ apu\ng lơ\m jăl jang ‘nao, [ok Nguyễn Hữu Thạch, Bí thư Đảng apu\ng Ia H’Drai tơbăt: “Tăp dăr tơdrong tơ iung pơjing Đảng rơgo\h ‘lơ\ng, kiơ\ yok rok jơ\ng jơhngơ\m đon tơgoăt tơgoăl rim hơdre\ch hơdrung, hơvơn păng io\k yua jơnei rim tơdrong vă tơ iung pơjing apu\ng Ia H’Drai ato\k tơ iung te\nh koăng, kơ jăp ‘lơ\ng păng io\k đei jing tơring tơrang ‘nao lơ\m hơtuch chăl jang. Nhôn gô hơdrin iung jang kơtang dôm tơdrong jang yă kiơ mă apu\ng đei, nhen jang ksu,dơnau đak kơ hnam kmăi đak tơle\ch u\nh hơyu\h, găh tơdrong tơmang pơ hiơ\, găh u\nh hơyu\h rơgo\h ‘lơ\ng vă krao hơvơn rim bơngai tơmơ\t jên jang đei jơhngơ\m đon ‘lơ\ng atu\m hăm kơdră đảng, kơdră tơring păng kon pơlei tơ\ au atu\m d^h băl ato\k tơ iung mu\k drăm, er^h sa kơ kon pơlei roi năr roi sơđơ\ng dơ\ng kơ jăp hlo\h dơ\ng”.

Khu\l kơdră che\p pơgơ\r hăm Khu\l kơdră tang măt vang năm Pơm le#h hop ako\m kơpal le\ch mu\h măt Pơm le#h hop ako\m

Lăp đơ\ng ro\ng jơnei kơ Pơm le#h hop ako\m Đảng apu\ng, Dơno\ an^h Đảng apu\ng Ia H’Drai hlôi hơlen [o#h hơdăh trong jang hơ iă lơ\m hơmet hơdrol, pơgơ\r pơm le#h hop ako\m, mă hơdăh nhen: hơmet hơdrol tôch hơlen tôm tong rim tơdrong vă pơgơ\r, găh măt bơngai păng trong pơgơ\r. Jang kiơ\ kơ jăp lơ\m 3 tơdrong tơm, tơ iung pơjing trong vă jang, pơ pro\ jang hơdăh, chă klăh asong d^h băl tơdrong jang hơdăh ăn rim bơngai, rim khu\l jang tơgu\m păng pơm kiơ\ kơ jăp rim tơdrong tơchơ\t. Dôm trong [o#h hơdăh ‘lơ\ng lơ\m pơgơ\r jơnei Pơm le#h hop ako\m Đảng apu\ng Ia H’Drai gô đei Dơno\ an^h Đảng dêh char Kon Tum tơ [o#h tơbăt ăn rim Dơno\ an^h Đảng apu\ng lơ\m bơ\ jang hơmet hơdrol ăn pơgơ\r pơm le#h hop ako\m.

Bơngai ch^h: Khoa Điềm

Tơblơ\ nơ\r: Amazưt