VOV4.Bahnar - Năr 17/6, tơ̆ ‘Măng sơlam Apŭng plenh tĕh Bơ Y, apŭng Ngŏk Hôi, Khŭl vei lăng Tơdrong kang păng Khŭl Ƀô̆ đô̆i so dêh char Kon Tum pơgơ̆r pôk ăn che gom ƀŏ tang găn jĭ Covid-19 atŭm hăm tơmam drăm ăn Khŭl Công đoàn dêh char Attapư, Khŭl lĭnh so dêh char Attapư păng Khŭl lĭnh so dêh char Sê Kông, tĕh đak CHDCND Lào.

Khŭl ƀô̆ đô̆i so dêh char Kon Tum pôkăn che gom ƀŏ ăn Khŭl lĭnh so dêh char Attapư hăm Sê Kông

Khŭl vei lăng Tơdrong jang dêh char Kon Tum hlôi pôk ăn Khŭl Công đoàn dêh char Attapư 10.000 blăh che gom ƀŏ, 150 get chai đak pơgang pơlôch sơmach jĭ atŭm hăm lơ tơmam drăm hăm kơ jă kơ jên hlŏh 20 trĭu hlak jên. Khŭl Ƀô̆ đô̆i so dêh char Kon Tum pôk ăn Khŭl lĭnh so dêh char Attapư, Khŭl lĭnh so dêh char Sê Kông 15.000 blăh che gom ƀŏ atŭm hăm lơ tơmam drăm kơ jă kơ jên 30 trĭu hlak jên.

Tơblơ̆ nơ̆r: Amazưt