VOV4.Bahnar - Pơ gê 26/3, tơ̆ plt Kon Tum, Đoàn TNCS Hồ Chí Minh dêh char Kon Tum pơm lêh tih tơ băt 90 sơ năm năr pơ jing Đoàn TNCS Hồ Chí Minh hơ dai hăm tơ băt 70 sơ năm năr Ƀok Hô pơ truh thơ ăn druh dăm xung phong păng pôk pơ ư khul grŭp, dôm bơ ngai jang rơ gei lơ̆m sơ năm 2021.

Jơ pơm lêh tơ băt

Lơ̆m lêh tơ băt, dôm bơ ngai tang măt kŭm hăm hlŏh 400 ‘nu đoàn viên, druh dăm dêh char Kon Tum chă pơ đou dơ̆ng tơ drong juăt ‘lơ̆ng hơ iă lơ̆m 90 sơ năm pơ jing păng jang tŏk đơ̆ng Đoàn TNCS Hồ Chí Minh; pôk pơ ư 14 ‘nu bơ ngai mơ lôh rơ gei; 90 Chi đoàn, anĭh jang đoan pran kơ jăp.

Dôm khul grŭp, rim bơ ngai rơ gei đei pôk pơ ư

Ƀlep ƀât ‘măng mă âu đei 11 khul grŭp jang rơ gei găh tơ drong jang đoàn păng tơ drong jang druh dăm, hơ iŏh iĕ kơ dêh char Kon Tum đơ̆ng 2016- 2020 chơt hơ iă đei iŏk ƀăng khen đơ̆ng Trung ương Đoàn; 10 ‘nu bơ ngai iŏk đei Grat tơ băt yoa Jơ hnơr mơ lôh; 2 ‘nu bơ ngai iŏk đei Grat tơ blăh druh dăm xung phong so.

Dơ̆ng: Tơ blơ̆