VOV4.Bahnar  – Hơtŏk tang găn păng tơjră jĭ Covid-19, atŭm hăm noh akŏm hơtŏk mŭk drăm tơpôl, khŏm mă pơm kiơ̆ kơjăp “pơkăp jang hadoi” jing xơnong jang tơm đei ƀok Phŏ Ƀĭ thư anih jang kơpal kơ dêh char, Kơdră Anih vei lăng kon pơlei dêh char Lê Ngọc Tuấn ră hơdăh tơ̆ Hop akŏm juăt jue ăh khei 5 đơ̆ng Anih vei lăng kon pơlei dêh char Kon Tum. Lơ̆m 5 khei blŭng xơnăm, tơdrong mŭk drăm tơpôl kơ dêh char xơđơ̆ng, hơtŏk tơ iung păng đei jơnei hơ iă lơ̆m lơ tơdrong jang. Găh choh pơtăm, jô̆ truh năr 15/5, dôm tơring hlôi kăt đang ƀa Puih Phang; Tơdrong vei lăng bri pơm jang đei jơnei kơjăp. Tơdrong jang pơjing tơring pơxĕl 'nao đei dôm anih jang, rim tơring pơm jang hăt hot hăm 28 xăh hlôi đei xơkơ̆t xăh pơxĕl 'nao. Lơ̆m 5 khei blŭng xơnăm, tơmam tĕch ăn teh đak pơtoi hơtŏk hăm kơjă tĕch đei yua 92,5 trĭu đôlar. Khul kơpal dêh char Kon Tum pơkăl rim anih jang, rim tơring pơtoi jang kơjăp, drơ̆ng minh dôm xơnong jang, trong hơtŏk mŭk drăm tơpôl hăm tơdrong pơkăp tang găn păng tơjră răh pơrang jĭ Covid-19 đei jơnei tơnăp, akŏm hơtŏk tơ iung răh mŭk drăm, khŏm mă keh đang  “pơkăp jang hadoi”.

Lan chih păng pơre nơ̆r