VOV4.Bahnar - Đăk Tơ Lung jing xăh tơring III mă blu\ng kơ apu\ng Kon Braih păng kơ dêh char Kon Tum đei jơnei pơkăp pơjing tơring pơxe\l ‘nao ăh khei 6/2020. Kiơ\ khul kơpal kơ xăh Đăk Tơ Lung, tơdrong pơm kiơ\ tơnăp pơkăp kla jên vei lăng bri jing minh tơdrong kăp g^t vă kon pơlei lơ\m xăh đei jơnei găh io\k yua păng tơjur kơso# unh hnam hin dơnuh đơ\ng je# 65% ăh xơnăm 2016 oei pă 13,1% ăh je# đ^ xơnăm 2019. Dang ei ja#p xăh đei 8.000 ha bri noh tôm hơgăt bri đei pơjao ăn 8 pơlei păng unh hnam kon pơlei vei lăng. ‘Nho\ng A Minh, oei tơ\ Kon Mong Tu ăn tơbăt, rim xơnăm unh hnam ‘nho\ng đei io\k yua thêm 10 triu hlj. Kơso# jên âu ‘măn răt pho\ng tuh ăn ‘long pơtăm, chă pơtăm bơ\n [um [lang, tơ[ăr vă hơto\k io\k yua ăn unh hnam. {ôh pơyua mă bri hơ ‘nhăk ăn tơdrong erih, unh hnam  A Minh păng kon pơlei tơ\ Kon Mong Tu hăt hot lơ\m tơdrong jang vei lăng bri tơnăp: “KIơ\ tơdrong axong đơ\ng thôn, rim khei vei lăng bri, kơdih po athei năm chă dăr juang hơlen lăng puăn truh pơđăm ‘măng vă [ôh băt, tơroi tơtom. Jên vei lăng bri vei xơđơ\ng tơdrong pơyua ăn mu\k drăm unh hnam”.

Jo# truh je# đ^ xơnăm 2019, hơgăt bri đei kla kiơ\ pơkăp vei lăng bri kơ dêh char Kon Tum noh hloh 387.700ha. Yak ăh xơnăm 2020, hơgăt mă âu pơtoi đei pơih xă. {ok Châu Văn Lâm, Kơdră Anih vei lăng kon pơlei xăh Pờ Ê, apu\ng Kon Plông ăn tơbăt, xơnăm 2020 jing xơnăm mă blu\ng xăh đei hloh 700ha bri đei kla kiơ\ pơkăp vei lăng bri đơ\ng tơring Hnam kơmăi unh hơyuh  Sơn Trà 1. Jơnu\m pơgơ\r tơring, kon pơlei adoi [ôh hơdăh tơdrong pơyua mă pơkăp kla jên vei lăng bri hơ ‘nhăk ăn: “Hăm 38 unh hnam kon pơlei păng minh pơlei pơla  Vi Klơng 1 đei yua đơ\ng pơkăp kla jên vei lăng bri âu ki đei axong đ^ 192 triu hlj noh kon pơlei xo# hơ\k păng kon pơlei tơnăp hloh lơ\m tơdrong vei lăng bri. Rim gie\ng axong minh khul lơ\m minh năr năm chă dăr juang hơlen, jo# hloi tơring bri kơ xăh vei lăng noh 303ha hơto\ hăm kơso# jên 45 triu hlj lơ\m xơnăm 2020 âu. Trong pơkăp kla jên vei lăng bri tơ\ tơring, ăn đe kang [o# đei tơre\k truh tơdrong vei lăng bri noh chơt hơ iă dêh”.

Atu\m hăm hơto\k găh hơgăt bri đei kla jên vei lăng bri, xơnăm 2020 bơngai vei lăng bri kơ dêh char Kon Tum adoi to\k lơ, 1 tơm bri noh minh anih jang, 19 tơm bri noh unh hnam ckon pơlei păng 4 pơlei pơla. Hơko\p dang ei Kon Tum đei 32 tơm bri noh anih jang, 3.474 unh hnam, bơngai jang, 47 pơlei pơla păng 75 Anih vei lăng kon pơlei xăh, th^ tra#n. {ok Hồ Thanh Hoàng, Kơdră Anih mong jên Vei lăng păng Hơto\k bri dêh char Kon Tum ăn tơbăt, xơnăm 2020 mă răm đơ\ng pơrang j^ Covid-19 pơm đei, cho\ng mă tơdrong hơvơn jên jang đơ\ng 66 anih jang găh vei lăng bri đơ\ng Anih mong jên duh oei đei io\k yua nhen tơdrong pơkăp jang: “Tơdrong io\k yua đơ\ng vei lăng bri jo# hơlen đơ\ng blu\ng xơnăm truh ăh năr 2/10/2020, nhôn đei io\k hloh 152,6 tih hlj, đei yua pơhlom 62,6% tơdrong pơkăp đei Anih vei lăng kon pơlei dêh char k^ pơkăp. Kơche\ng truh đ^ năr 31/12/2020, nhôn gô io\k đei 100% tơdrong pơkăp jang dang đei yua pơhlom 243,8 tih hlj”. 

Adro# jo# truh blu\ng khei 10/2020, Jên mong Vei lăng păng Hơto\k bri dêh char Kon Tum hlôi axong ăn dôm tơ ‘ngla bri noh 207 tih hlj, đei jên kla hloh 133 tih hlj ăn jên vei lăng bri oei lăi kơ xơnăm 2019 păng io\k adrol hloh 73 tih hlj kơ xơnăm 2020. Kơche\ng truh đ^ năr 31/12/2020 Jên mong Vei lăng păng Hơto\k bri dêh char Kon Tum pơtoi axong jên mong pơhlom 150 tih hlj axong adrol kơ xơnăm 2020 ăn dôm tơ ‘ngla bri. ‘Nâu jing jên jang kăp g^t vă dêh char Kon Tum vei lăng păng hơto\k bri kơjăp xơđơ\ng. 

Vă hơ len năng tơ drong đei yoa đơ\ng bơ\ jang kiơ\ trong kla jên mưh io\k yoa cham char bri brăh lơ\m sơ năm 2020 păng trong vă jang lơ\m sơ năm 2021 tơ\ Kon Tum, nhôn pơ ma nuh hăm [ok Hồ Thanh Hoàng, Kơ dră An^h mong jên vei lăng păng ato\k tơ iung bri dêh char Kon Tum. 

- Kiơ\ kơ ih tơ drong jơ nei hlo\h đơ\ng An^h mong jên vei lăng păng ato\k tơ iung bri dêh char Kon Tum sơ năm 2020 ‘noưh yă kiơ?

-{ok Hồ Thanh Hoàng: Kiơ\ inh tơ drong jơ nei hlo\h đơ\ng An^h mong jên vei lăng păng ato\k tơ iung bri dêh char Kon Tum lơ\m sơ năm 2020 ‘no\h j^ kla jên ưh pă yoa jên măt hăm unh hnam, rim bơ ngai, khul tơ pôl kon pơ lei vei bri kiơ\ trong jang đơ\ng an^h jang kơ pal. An^h mong jên vei lăng păng ato\k tơ iung bri dêh char jang hơ doi hăm dôm an^h jang, tơ ring tơ rang pơ gơ\r pơih tai khoan io\k jên vei bri ăn đ^ đăng bơ ngai, khul gru\p âu. An^h mong jên vei lăng păng ato\k tơ iung bri dêh char athei pơ gơ\r lơ ‘măng bơ\ jang vă gơ\h băt rim tơ drong, chih jo# mă tôm dôm bơ ngai đei dăh mă tam mă đei hla ar kăn kươk; jang hơ doi hăm khul kơ dră tơ ring athei an^h jang kơ pal pơm ‘nao, tơ plih ming hla ar kăn kươ\k ăn kon pơ lei kiơ\ tơ drong hơ găt.

Đơ\ng ro\ng kơ ‘no\h, An^h mong jên vei lăng păng ato\k tơ iung bri dêh char jang hơ doi hăm dôm an^h mong jên te\ch mơ dro, an^h mong jên tơ gu\m ăn tơ pôl păng khul kơ dră tơ ring pơ gơ\r pơih tai khoan tơ\ an^h mong jên vă io\k jên vei bri ăn đ^ đăng tơ ‘ngla bri truh dang ei hlôi jang đei 99%. Kiơ\ đơ\ng kla jên ưh đei yoa jên măt âu, jên vei bri đei kla tôch rơ đăh ăn kon pơ lei, kla [ônh, hiôk hian. Atu\m hăm ‘no\h, 1 kơ so# unh hnam hlôi đei pơm hla ar, the kăn kươk mă adrol sơ\ đe sư ưh gan pơ ngơ\t, pơm ưh ‘lơ\ng truh tơ drong pơ vih pơ văn păng tơ drong đei yoa tro\ luơ\t nai kơ đe ‘nho\ng o\h lu sư.

- Truh dang ei, đơ\ng ro\ng dang 10 sơ năm tơ le\ch trong kla jên mưh io\k yoa cham char bri brăh, ih [ôh thoi yơ găh tơ drong rơ gei păng đei yoa mưh bơ\ jang kiơ\ trong jang ’nâu tơ\ dêh char Kon Tum?

-{ok Hồ Thanh Hoàng: Kiơ\ inh tơ drong rơ ngei mưh jang kiơ\ trong kla jên mưh io\k yoa cham char bri brăh ‘no\h An^h mong jên vei lăng păng ato\k tơ iung bri dêh char jang to\k pran ‘lơ\ng lơ\m khei ‘năr âu ki, đơ\ng 1 khul jang jên hu ‘nao pơ jing; rim trong jang, tơ drong tơ gu\m tam mă rơ đăh, khul kăn [o# tam mă hlôh vao lơ găh trong jang ‘nâu truh dang ei hlôi to\k pran, đei pơ gơ\r, bơ\ jang kơ jăp ‘lơ\ng kiơ\ an^h jang kơ te\h đak hăm tôm tơ drong hơ găt đơ\ng luơ\t; đei Tơ drong jang đơ\ng an^h jang kơ pal k^ ăn, khul kăn [o# đei klăih song kiơ\ hơ năp jang, pơ tâp pơ hrăm hlôh vao hơ dăh tơ drong jang đei pơ jao vei lăng kơ na jang đang ‘lơ\ng rim tơ drong đei pơ jao.

M^nh lơ\m dôm tơ drong jang đei tơ le\ch jang ‘lơ\ng, rơ gei hlo\h j^ An^h mong jên vei lăng păng ato\k tơ iung bri dêh char Kon Tum hlôi jang đang tơ drong chih la kak athei kla jên mưh io\k yoa cham char bri brặh đơ\ng sơ năm 2018-2020. Hrei ‘nâu lơ\m te\h đak lơ An^h mong jên vei lăng păng ato\k tơ iung bri dôm dêh char athei thuê an^h jang nai tơ gu\m chih pơ jing la kak bri ‘long athei kla jên. Tơ drong chih pơ jing la kak kla jên mưh io\k yoa cham char bri brăh tôch ‘lơ\ng, lăp hăm tơ drong ‘me\h vă vang tơ gu\m ăn dôm an^h jang, tơ ring tơ rang hơ to\k tơ drong đei yoa lơ\m tơ drong jang vei lăng bri pơ truh ăn tơ drong kla jên mưh io\k yoa cham char bri brăh, tơ gop pơm ‘lơ\ng ăn tơ drong kla jên vei bri tro\ bơ ngai, tro\ hơ găt te\h đei vei, rơ đăh rơ đong dar de\h tơ [ôh hơ dăh tơ drong rơ gei đơ\ng kăn [o# tơ\ An^h mong jên vei lăng păng ato\k tơ iung bri dêh char lơ\m tơ drong jang kla jên mưh io\k yoa cham char bri brăh.

Găh tơ drong đei yoa đơ\ng trong jang kla jên mưh io\k yoa cham char bri brăh tơ\ dêh char Kon Tum hlôi [ôh hơ dăh lơ\m khei ‘năr âu ki; te\h bri ‘long đei pơ truh ăn tơ drong jang kla jên mưh io\k yoa cham char bri brăh đei vei lăng roi đunh roi ‘lơ\ng; dôm tơ drong jang đơ\ng dôm tơ ‘ngla bri roi to\k; tơ ‘ngla bri kơ chăng hơ met đei jên jang vă vei lăng păng ato\k tơ iung bri; tơ drong arih xa kơ kon pơ lei jang ‘long ku\m roi to\k kiơ\ rim sơ năm.

- Ih tơ roi mă rơ đăh 1,2 tơ drong vă jang tơm đơ\ng An^h mong jên vei lăng păng ato\k tơ iung bri dêh char Kon Tum lơ\m sơ năm 2021 năng?

-{ok Hồ Thanh Hoàng: Tưk tơ iung dôm tơ drong hlôi jang đei sơ năm 2021, An^h mong jên vei lăng păng ato\k tơ iung bri dêh char hơ nơ\ng ako\m jơ hngâm thu mong jên vei bri. Nhôn vă hơ len kơ jăp dôm an^h jang ‘nao io\k yoa cham char bri brăh vă tơ le\ch trong bơ\ jang, pơ ma đam k^ pơ kăp hla ar kla jên mưh io\k yoa cham char bri brăh vă mong ako\m tơ tom jên vei lăng bri.

Hơ nơ\ng dăr hơ len, chih jo# tơ drong nôp jên đơ\ng dôm an^h jang io\k yoa cham char bri brăh, jên hre đơ\ng io\k yoa cham char bri brăh vă athei nôp, bơ\ jang tơ păt hăm dôm an^h jang oei hre jên đơ\ng io\k yoa cham char bri brăh, jo# hlo jên kon, vă jăh tăh ăn An^h mong jên vei lăng păng ato\k tơ iung bri dêh char. Hơ nơ\ng pơ ma nuh, athei An^h mong jên vei lăng păng ato\k tơ iung bri Việt Nam pơ truh jên tơ tom ăn tơ drong vei lăng bri gơ\h ăn An^h mong jên vei lăng păng ato\k tơ iung bri dêh char Kon Tum.

Tơ drong jang mă 2 ‘no\h tơ roi tơ băt, hơ to\k đon hlôh vao găh trong kla jên mưh io\k yoa cham char bri brăh tơ klep hăm tơ drong jang vei lăng bri. Nhôn vă chih tơ le\ch trong jang, jang hơ doi hăm An^h vei lăng choh jang xa păng ato\k tơ iung tơ ring tơ rang, Dơ no\ an^h vei lăng kon pơ lei dôm apu\ng hơ nơ\ng tơ le\ch trong dăr hơ len, vei lăng, io\k yoa jên vei bri đơ\ng rim an^h jang tơ ’ngla bri ’no\h j^ khul gru\p păng Dơ no\ an^h vei lăng kon pơ lei xăh, th^ trơ\n kiơ\ nơ\r pơ tho đơ\ng Dơ no\ an^h vei lăng kon pơ lei dêh char.

Hơ len năng, pơm hơ dăh hơ găt bri ’long pơ truh ăn tơ drong io\k yoa cham char bri brăh. Pơih tai khoan io\k jên vei bri ăn dang 1% unh hnam oei đei dơ\ng.

- Bơ nê kơ ih [ok Hồ Thanh Hoàng, Kơ dră che\p kơ\l An^h mong jên vei lăng păng ato\k tơ iung bri dêh char Kon Tum ‘măn jơ vang pơ ma nuh âu! 

Lan hăm Dơ\ng: Tơ blơ\