VOV4.Bahnar - Lơ̆m khei ‘năr atŏk kơtang bơ̆ jang tang găn jĭ Covid-19, Dơnŏ anĭh vei lăng Mơdro sa dêh char Kon Tum hlôi iung jang dăr lăng, hơmet pơ ‘lơ̆ng tơdrong tĕch mơdro vă sơđơ̆ng kơ jă tĕch răt.

Hơdrơ̆r tơmam drăm pơm sơđơ̆ng kơ jă tơ̆ mĭnh hơnĭh tĕch mơdro lơ̆m pơlei tơm Kon Tum.

Dơnŏ anĭh vei lăng Mơdro sa dêh char Kon Tum hlôi bơ̆ jang hăm rim hơnĭh tĕch ăn tơmam drăm vă đei lơ tơmam drăm mong răk sơđơ̆ng ăn tơdrong tĕch răt yua păng pơjing sơđơ̆ng jơhngơ̆m ăn kon pơlei lơ̆m khei ‘năr jang kiơ̆ rim trong jang tang găn jĭ Covid-19. Hrei au, rim siêu thĭ, rim hơnĭh tơm tĕch mơdro păng rim Hơnĭh tĕch ăn tơmam drăm jei hlôi hơmet pơ ‘lơ̆ng tơmam drăm tôm măh mai, tŏk đơ̆ng 15 trŭh 20% pơtêng hăm tơdrong ‘mĕh vă răt sa kơ ‘năr. Tơ̆ rim kơ chơ tơmam drăm tĕch mơdro măh mai ăn kon pơlei chă răt sa kơ ‘năr.

Tơblơ̆ nơ̆r: Amazưt