VOV4.Bahnar  -  Pơgê năr 16/4, tơ̆ plei tơm Kon Tum, Anih jang Măt trâ̆n tôh kuôk Việt Nam dêh char Kon Tum pơgơ̆r Hop akŏm Pơma đam 'măng mă 3 vă rơih iŏk, chih hơnăn dôm bơngai ƀlep pơkăp lĕch măt tơgar jang tang măt ăn Kuôk hô̆i jăl 15 păng jang tang măt lơ̆m Hô̆i đŏng kon pơlei dêh char, jăl jang 2021- 2026.

Tơ̆ Hop akŏm Pơma đam 'măng mă 3, rim bơngai tang măt tơmơ̆ng Anih juăt jang Măt trâ̆n tôh kuôk Việt Nam dêh char Kon Tum tơroi găh tơdrong iŏk nơ̆r tơgop đơ̆ng kon pơlei tơ̆ tơring oei xa hăm 10 'nu lĕch măt tơgar jang tang măt ăn Kuôk hô̆i jăl 15 păng 85 'nu lĕch măt tơgar jang lơ̆m Hô̆i đŏng kon pơlei dêh char, jăl jang 2021- 2026. Rim bơngai tang măt năm Hop akŏm Pơma đam mă 3, yuơ Anih jang Măt trâ̆n tôh kuôk Việt Nam dêh char Kon Tum pơgơ̆r hlôi drơ̆ng nơ̆r ăn 2 'nu đei hla bar xut hơnăn lĕch măt tơgar tang măt ăn Kuôk hô̆i jăl 15. Drơ̆ng nơ̆r chih hơnăn 8 'nu ƀlep pơkăp lĕch măt tơgar jang tang măt ăn Kuôk hô̆i jăl 15 păng 85 'nu lĕch măt tơgar jang lơ̆m Hô̆i đŏng kon pơlei dêh char, jăl jang 2021- 2026.

Lan chih păng pơre nơ\r