VOV4.Bahnar - Khŭl drŏ kăn dêh char Kon Tum ‘nao jang hơdoi hăm Khŭl drŏ kăn apŭng Ngŏk Hôi pơgơ̆r pơtho pơhrăm ăn 50 ‘nu kang ƀô̆ drŏ kăn mă blŭng đei hơnăn ăn pôk tơmơ̆t pơm Kơdră tang măt Jơnŭm vei lăng kon pơlei tơring, phương, thĭ trân, jăl jang 2021- 2026 lơ̆m apŭng. Lăm hŏkj pơtho pơhrăm vă tơgŭm ăn kang ƀô̆ drŏ kăn ‘măng mă blŭng đei hơnăn ăn pôk tơmơ̆t pơm kơdră tang măt Jơnŭm vei lăng kon pơlei rim hơnĭh vă atŏk kơtang bơ̆ jang gơ̆h, băt hơdăh hơnăp jang, sơnong jang đơ̆ng kơ dĭh lơ̆m vang pơjei pôk rơ̆ih. ‘Nau jei jing tơdrong jang tơ ƀô̆h hơdăh hơnăp jang, sơnong jang đơ̆ng rim Khŭl drŏ kăn lơ̆m vang bơ̆ jang găh pôk rơ̆ih, mă kăl ‘nŏh yak hơdoi, tơgŭm djru kang ƀô̆ drŏ kăn ‘măng mă blŭng đei hơnăn ăn pôk tơmơ̆t vă đe sư hoei chă kơdơ̆ mư̆h pơma dơnŭh tơ̆ hơnăp tơpôl, băt hlŏh dơ̆ng dôm tơdrong jang chă pơrô̆ hơvơn pôk tơmơ̆t ‘lơ̆ng hơ iă hlŏh.

Tơblơ̆ nơ̆r: Amazưt