VOV4.Bahnar  – Dêh char Kon Tum ‘nao pơtruh hla bar kăl Anih jang Unh hơyuh tơring tŏk bŏk vă hơlen, tenh kuăng axong ming hơmet anih chô̆ unh hơyuh 110 kV Đăk Glei păng trong tơlei unh 110 kV Bờ Y- Đăk Glei kiơ̆ tơchơ̆t.

Kiơ̆ Anih vei lăng kon pơlei dêh char Kon Tum, tơdrong axong hơmet Anih chô̆ unh 110 kV Đăk Glei păng trong tơlei unh 110 kV Bờ Y- Đăk Glei jing gĭt kăl hloh. Tơdrong tơm đei Anih chô̆ unh păng trong tơlei unh âu noh pơm trong hiôk ăn dôm hnam kơmăi pơm tơlĕch unh hơyuh pơm jang tơ̆ apŭng Đăk Glei; tơgop hơtŏk mŭk drăm – tơpôl kơ dêh char; vei xơđơ̆ng tơdrong axong man hnam kơmăi unh hơyuh păng hơtŏk đon lui axong măh unh hơyuh ăn apŭng Đăk Glei.  Đei băt Anih chô̆ unh 110 kV Đăk Glei păng trong tơlei unh 110 kV Bờ Y- Đăk Glei hlôi đei Pơkăp hơtŏk unh hơyuh đơ̆ng dêh char Kon Tum jăl xơnăm 2016-2025, mă lei, truh dang ei hlôi adar 3 xơnăm pơtêng hăm pơkăp pơm jang, Anih jang duh tam mă đei Anih jang Unh hơyuh tơring tŏk bŏk axong ming man. Âu jing tơdrong tơhlăk kơ tơdrong chô̆ dui unh hơyuh đơ̆ng hnam kơmăi păng unh hơyuh pơm tơlĕch đơ̆ng kial tơ̆ 2 apŭng Ngọc Hồi, Đăk Glei kơ dêh char Kon Tum rok kiơ̆ xơlam teh kơ teh đak Lào.

Lan chih păng pơre nơ̆r