VOV4.Bahnar - Pơ gê (22/7), tơ̆ plt Kon Tum, Dơ nŏ anih vei lăng kon pơ lei dêh char Kon Tum pơm lêh roi tơ băt dôm tơ drong tơ chơ̆t đơ̆ng Anih vei lăng đon rơ gei, Anih tơm vei lăng jang Khoa hŏk kơ măy kơ mŏk ‘nao ƀơk Hla ar chih tơ băt hơ năn hăm 11 tơ mam drăm tơ̆ tơ ring.

11 tơ mam đơ̆ng dêh char Kon Tum đei Anih vei lăng đon rơ gei, Anih tơm vei lăng jang Khoa hŏk kơ măy kơ mŏk ‘nao ƀơk Hla ar chih tơ băt hơ năn, đei: Sâm Ngọc Linh Kon Tum, Chĕh phe tơ ring tơ ngiĕt Kon Tum păng 9 tơ mam pơ gang nhen: Pơ mâu linh chi, Đảng sâm, Đương quy, Lan kim tuyến, Ý dĩ, Đinh lăng, Kơ mưt, Ngũ vị tử, Lơ ve găm.

‘Nâu jĭ dôm tơ mam tơm dơ nơm păng kăp gĭt kơ Kon Tum. Dơ nŏ anih vei lăng kon pơ lei dêh char Kon Tum ăn tơ băt, tơ drong 11 tơ mam kơ dêh char đei ƀơk ăn Hla ar pơ kăp chih tơ băt hơ năn âu tôch gĭt kăl hăm anih pơm tơ lĕch, tĕch mơ dro păng kon pơ lei răt yoa.

Dơ̆ng: Tơ blơ̆