VOV4.Bahnar -  Lăp đơ̆ng rŏng vă jê̆ 1 poăt khei dăr lăng hơlen, pơjing trong vă jang, năr 4/8, dêh char Kon Tum hlôi đei trong vă jang hơdăh rơ̆ih sơng 1.000 ‘nu bơngai đơ̆ng tơring jĭ găh pơbăh, ‘nŏh: pơlei tơm Hồ Chí Minh  păng 2 dêh char Bình Dương, Đồng Nai brŏk vĭh tơ̆ dêh char. Kiơ̆ kơ ‘nŏh Dơnŏ anĭh vei lăng kon pơlei dêh char Kon Tum gô rơ̆ih sơng iŏk ‘măng mă blŭng 1.000 ‘nu bơngai. Dôm bơngai đei sơng hơdrol ‘nŏh bơngai kon kông, bơngai ŭnh hnam dơnŭh, đe ‘lŏ kră; drŏ kăn hơnăp, hơ iŏh; bơngai năm khăm, hơmet jĭ, bơngai hiong tơdrong jang păng hŏk tro, sinh viên. Vă sơng rim bơntgai brŏk tơ̆ dêh char sơđơ̆ng, mă kăl lơ̆m tang găn jĭ Covid-19, hrei au rim tơring kơ dêh char Kon Tum hlôi hơmet ăn tôm twodrong vă bơngai brŏk đei ăn oei hơdrô̆ ƀlep tơdrong tơchơ̆t. Hŏh đơ̆ng dăr lăng ‘măng mă blŭng, lơ̆m dêh char Kon Tum đei vă jê̆ 4.000 ‘nu bơngai erĭh sa, bơ̆ jang tơ̆ rim tơring đei jĭ găh Pơbăh ‘mĕh vă brŏk vĭh tơ̆ dêh char.

Tơblơ̆ nơ̆r: Amazưt